ലോക അർബുദ ദിനം: കൂട്ടനടത്തം സംഘടിപ്പിച്ചു

ചേന്ദമംഗലൂർ: അർബുദ പ്രതിരോധ പ്രവർത്തനങ്ങളുടെ ഭാഗമായി ലോക അർബുദ ദിനത്തിൽ 'അതിജീവനം' സംഘാടകസമിതി ചേന്ദമംഗലൂരിൽ കൂട്ടനടത്തം സംഘടിപ്പിച്ചു. ഈസ്റ്റ് ചേന്ദമംഗലൂർ, പൊറ്റശേരി, നോർത്ത് ചേന്ദമംഗലൂർ പ്രദേശങ്ങളിൽനിന്നും മൂന്നു സംഘങ്ങളായി ആരംഭിച്ച നടത്തം തെയ്യത്തുംകടവ് പാലത്തിൽ സംഗമിച്ചു. അതിജീവനം വളൻറിയർമാർ, വിവിധ െറസിഡൻറ്സ് അസോസിയേഷൻ പ്രവർത്തകർ എന്നിവർ പങ്കെടുത്തു. പുൽപറമ്പിൽ സംഘടിപ്പിച്ച സമാപന പരിപാടിയിൽ ഒ. അബ്ദുല്ല, ബന്ന ചേന്ദമംഗലൂർ, പി.കെ. മനോജ് കുമാർ, പി. മുസ്തഫ, കെ.വി. ജബ്ബാർ, ഒ. ശരീഫുദ്ദീൻ, മുജീബുറഹ്മാൻ അമ്പലക്കണ്ടി, ടി. ഉണ്ണിമോയി എന്നിവർ സംസാരിച്ചു.