സ്നേഹപൂർവം കോഴിക്കോട് പദ്ധതിയിൽ വെൽഫെയർ പാർട്ടിയുടെ കൈത്താങ്ങ്

കോഴിക്കോട്: പ്രളയദുരന്തത്തിൽ എല്ലാം നഷ്ടമായ കുടുംബങ്ങൾക്ക് ജില്ല ഭരണകൂടം പ്രഖ്യാപിച്ച സ്നേഹപൂർവം കോഴിക്കോട് പദ്ധതിയുമായി കൈകോർക്കാൻ വെൽഫെയർ പാർട്ടി ജില്ല കമ്മിറ്റി തീരുമാനം. 10,000 രൂപയുടെ ഗൃഹോപകരണങ്ങളുടെ കിറ്റാണ് ഓരോ കുടുംബത്തിനും നൽകുന്നത്. ജില്ല കലക്ടർ യു.വി. ജോസുമായി പാർട്ടി ജില്ല നേതാക്കൾ നടത്തിയ കൂടിക്കാഴ്ചയിലാണ് ധാരണയായത്. പ്രസിഡൻറ് അസ്‌ലം ചെറുവാടി, ജനറൽ സെക്രട്ടറി ടി.കെ. മാധവൻ, വൈസ് പ്രസിഡൻറ് പി.സി. മുഹമ്മദ് കുട്ടി, ട്രഷറർ എം.എ. മജീദ്, സെക്രട്ടറി സ്വാലിഹ് കൊടപ്പന എന്നിവർ സംബന്ധിച്ചു.