മുഖ്യമന്ത്രിയുടെ ദുരിതാശ്വാസ നിധിയിലേക്ക് സഹായധനം കൈമാറി

മടവൂർ: മുഖ്യമന്ത്രിയുടെ ദുരിതാശ്വാസ നിധിയിലേക്ക് മടവൂർ സി.എം മഖാം കമ്മിറ്റി നൽകുന്ന സഹായം പഞ്ചായത്ത് പ്രസിഡൻറ് വി.സി. ഹമീദ് മാസ്റ്റർക്ക് കമ്മിറ്റി സെക്രട്ടറി കെ.പി. മാമു ഹാജി കൈമാറി. ഗ്രാമ പഞ്ചായത്ത് സെക്രട്ടറി ബൈജു ജോസ്, പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ വി.സി. റിയാസ് ഖാൻ, പി. അസീസ് മുസ്ലിയാർ, യു.വി. മുഹമ്മദ് മൗലവി, ഇഖ്ബാൽ വട്ടോളി തുടങ്ങിയവർ സംബന്ധിച്ചു. സ്വീകരണം നൽകി നരിക്കുനി: കൊയിലാണ്ടി റൂട്ടിലോടുന്ന 150ഒാളം ബസുകൾ വ്യാഴാഴ്ച ഓടിയത് പ്രളയബാധിതരെ സഹായിക്കുന്നതിന്. വ്യാഴാഴ്ച ലഭിച്ച കളക്ഷൻ മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകും. 50 ലക്ഷം രൂപയാണ് സമാഹരിക്കാൻ ഉദ്ദേശിക്കുന്നത്. ഈ ഉദ്യമത്തിൽ നരിക്കുനിയിൽ നിന്നുള്ള ബസുകളും പങ്കാളികളായി. ഈ റൂട്ടിലോടുന്ന വെസ്റ്റേൺ ബസിന് നരിക്കുനി ബസ്സ്റ്റാൻഡിൽ നരിക്കുനി ക്ലബ് പ്രവർത്തകർ സ്വീകരണം നൽകി.