പയ്യോളി നഗരസഭയിലെ വിവിധ പ്രദേശങ്ങളിൽ വെള്ളം കയറി

പയ്യോളി: തിക്കോടി, തുറയൂർ, മൂടാടി പഞ്ചായത്തുകളിലും പയ്യോളി നഗരസഭയിലെ വിവിധ പ്രദേശങ്ങളിലും വെള്ളം കയറി. ഇരുന്നോറോളം കുടുംബങ്ങൾ വീടൊഴിഞ്ഞു. പയ്യോളി നഗരസഭയിലെ കിഴൂർ എ.യു.പി സ്കൂൾ, മൂരാട് എം.എൽ.പി സ്കൂൾ, തുറയൂരിൽ ബി.ടി.എം ഹയർ സെക്കൻഡറി, തിക്കോടി പള്ളിക്കര സെൻട്രൽ എൽ.പി സ്കൂൾ, മൂടാടി പാലക്കുളത്തെ ഗോഖലെ യു.പി സ്കൂൾ, വന്മുഖം കോടിക്കൽ യു.പി സ്കൂൾ എന്നിവിടങ്ങളിൽ ക്യാമ്പ് പ്രവർത്തിക്കുന്നുണ്ട്.