യാത്രക്കാരിയെ പീഡിപ്പിക്കാൻ ശ്രമം; കണ്ടക്ടർ ഒളിവിൽ

നാദാപുരം: യാത്രക്കിടെ യുവതിയെ കയറിപ്പിടിച്ച കേസിൽ സ്വകാര്യ ബസ് കണ്ടക്ടർ ഒളിവിൽ. വടകര-തൊട്ടിൽ പാലം റൂട്ടിൽ സർവിസ് നടത്തുന്ന ബസിലെ കണ്ടക്ടർ തൊട്ടിൽപാലം സ്വദേശിയാണ് ഒളിവിൽ കഴിയുന്നത്. കഴിഞ്ഞ മാസം 19ന് തൊട്ടിൽ പാലത്തുനിന്ന് വടകരയിലേക്കുള്ള യാത്രാമധ്യേ രാവിലെ 8.45ന് നാദാപുരം ബസ്സ്റ്റാൻഡിലാണ് കേസിനാസ്പദമായ സംഭവം. ജോലി സ്ഥലത്തേക്ക് പോകാൻ ബസിൽ കയറിയതായിരുന്നു യുവതി. ഇവരുടെ പരാതിയിൽ നാദാപുരം പൊലീസ് കേസെടുത്തെങ്കിലും പ്രതി ഒളിവിലാണ്. പരാതി പിൻവലിപ്പിക്കാൻ യുവതിയുടെ വീട്ടുകാരുടെമേൽ സമ്മർദമുള്ളതായി ആരോപണം ഉയർന്നിട്ടുണ്ട്. ഇതിനിടെ, കോഴിക്കോട് ജില്ല കോടതിയിൽ പ്രതി ജാമ്യത്തിന് ശ്രമിച്ചെങ്കിലും അനുകൂല വിധിയുണ്ടായില്ല.