കാറും ടാങ്കർലോറിയും കൂട്ടിയിടിച്ച്​ എട്ടു പേർക്കു പരിക്ക്

കൊയിലാണ്ടി: ദേശീയപാതയിൽ ചെങ്ങോട്ടുകാവിൽ ടാങ്കർലോറിയും കാറും കൂട്ടിയിടിച്ച് എട്ടുപേർക്ക് പരിക്ക്. താലൂക്ക് ഹെഡ്ക്വാർട്ടേഴ്സ് ആശുപത്രിയിൽ പ്രാഥമിക ചികിത്സ നൽകി. പരിക്കുകൾ സാരമുള്ളതല്ല. ഞായറാഴ്ച അർധരാത്രിയാണ് അപകടം. ഗുരുവായൂരിൽനിന്ന് മൂകാംബികയിലേക്കു പോകുകയായിരുന്നു കാറിലുള്ളവർ. തിരുപ്പൂരിൽനിന്ന് മംഗലാപുരത്തേക്ക് ടാർ കയറ്റിപ്പോകുകയായിരുന്നു ലോറി. ഇടിയുടെ ആഘാതത്തിൽ കാറി​െൻറ മുൻവശം തകർന്നു. പടം Koy 2 ചെങ്ങോട്ടുകാവിൽ ടാങ്കർലോറിയും കാറും കൂട്ടിയിടിച്ചുയുണ്ടായ അപകടം