റെയിൽവേ സ്​​േ​റ്റഷനിൽ മരുന്ന്​: മനുഷ്യാവകാശ കമീഷൻ റിപ്പോർട്ട്​ ആവശ്യപ്പെട്ടു

കോഴിക്കോട്: രാജ്യത്തെ 75 എ വൺ റെയിൽവേ സ്റ്റേഷനുകളിലും 257 എ ക്ലാസ് സ്റ്റേഷനുകളിലും യാത്രക്കാർക്ക് അത്യാവശ്യ മരുന്നുകൾ ലഭ്യമാക്കണമെന്നാവശ്യപ്പെട്ട് ലോക് താന്ത്രിക് യുവജനതാദൾ ദേശീയ പ്രസിഡൻറ് സലീം മടവൂർ നൽകിയ പരാതിയിൽ റെയിൽവേ ബോർഡ് ചെയർമാനോട് തൽസ്ഥിതി റിപ്പോർട്ട് നൽകാൻ ദേശീയ മനുഷ്യാവകാശ കമീഷൻ ആവശ്യപ്പെട്ടു. രാജ്യത്തെ മുഴുവൻ പ്രധാന റെയിൽവേ സ്റ്റേഷനുകളിലും ഒാവർ ദ കൗണ്ടർ (ഒ.ടി.സി) മരുന്നുകൾ വിൽക്കണമെന്നും എ വൺ, എ ക്ലാസ് സ്റ്റേഷനുകളിൽ മെഡിക്കൽ ഷോപ്പുകൾ ആരംഭിക്കണമെന്നും ആവശ്യപ്പെട്ടാണ് സലീം മടവൂർ പരാതി നൽകിയിരുന്നത്.