പിടികിട്ടാപ്പുള്ളി 30 വർഷത്തിനുശേഷം കോടതിയില്‍ കീഴടങ്ങി

വടകര: 30 വര്‍ഷം മുമ്പ് വടകര പൊലീസ് രജിസ്റ്റര്‍ ചെയ്ത കേസിലെ പിടികിട്ടാപ്പുള്ളി കോടതിയില്‍ കീഴടങ്ങി. സംഭവസമയത്ത് വടകര താഴെ അങ്ങാടിയിലെ താമസക്കാരനും ഇപ്പോള്‍ പയ്യോളി അങ്ങാടി സ്വദേശിയുമായ മുക്കൊലയ്ക്കല്‍ നൗഷാദാണ്(50) ചൊവ്വാഴ്ച വടകര ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയില്‍ കീഴടങ്ങിയത്. പ്രതിയെ കോടതി 14 ദിവസത്തേക്ക് റിമാന്‍ഡ് ചെയ്തു. 1988ല്‍ വടകര പൊലീസിനെ അക്രമിച്ച കേസിലും പൊതുമുതല്‍ നശിപ്പിച്ച സംഭവത്തിലുമാണ് കേസുള്ളത്. ജാമ്യത്തിലിറങ്ങി മുങ്ങിയ പ്രതിക്കെതിരെ ലുക്ക് ഒൗട്ട് നോട്ടീസ് പുറപ്പെടുവിച്ചിരുന്നു.