ജനകീയ ഇടപെടൽ ഫലം കണ്ടു പുളിക്കൂൽ തോടിന് 23ലക്ഷം ചെലവിൽ ചെക്ക് ഡാം

നാദാപുരം: മേഖലയിലെ ഏറ്റവും വലിയ കുടിവെള്ള സ്രോതസ്സായ പുളിക്കൂൽ തോടിന് ചെക്ക് ഡാം വരുന്നു. തോട്ടിലെ ശുദ്ധ ജലം ശാസ്ത്രീയമായി ഉപയോഗപ്പെടുത്താൻ നിർമിക്കുന്ന ചെക്ക് ഡാം തൂണേരി ബ്ലോക്ക് പഞ്ചായത്ത് പദ്ധതി ഫണ്ടിൽനിന്ന് 23 ലക്ഷം രൂപ ചെലവഴിച്ചാണ് നിർമിക്കുക. ബ്ലോക്ക് പഞ്ചായത്തി​െൻറ സ്വപ്നപദ്ധതിയായ ഡാം ബ്ലോക്ക് പഞ്ചായത്ത് പ്രസിഡൻറ് സി.എച്ച്. ബാലകൃഷ്ണൻ പ്രത്യേക താൽപര്യമെടുത്താണ് യാഥാർഥ്യമാക്കുന്നത്. നാദാപുരം ഗ്രാമപഞ്ചായത്ത് അംഗം വി.എ. മുഹമ്മദ് ഹാജിയുടെ നേതൃത്വത്തിൽ രണ്ടു വർഷം മുമ്പ് ആരംഭിച്ച തോട് സംരക്ഷണ യജ്ഞമാണ് ഫലപ്രാപ്തിയിലെത്തുന്നത്. രണ്ടു വർഷമായി നടക്കുന്ന സംരക്ഷണ പദ്ധതിയുടെ ഭാഗമായി മൂന്നു കിലോമീറ്റർ നീളമുള്ള തോട്ടിലെ മാലിന്യവും ചളിയും നീക്കം ചെയ്തു. പലയിടങ്ങളിലായി സംരക്ഷണ ഭിത്തി നിർമിക്കുകയും ചെയ്തു. ലക്ഷങ്ങൾ ചെലവഴിച്ച് മാസങ്ങൾ നീണ്ട തോട് ശുചീകരണത്തിന് നാട്ടുകാർ ഒന്നടങ്കം രംഗത്തിറങ്ങി. നാട്ടുകാർ സ്വയം ഫണ്ട് കണ്ടെത്തിയാണ് മാരത്തോൺ ശുചീകരണം നടത്തിയത്. തോട് സംരക്ഷണത്തിനുവേണ്ടി നാദാപുരം ടി.ഐ.എം ഗേൾസ് സ്‌കൂൾ വിദ്യാർഥിനികൾ നിരന്തരമായി നടത്തിയ ബോധവത്കരണവും മാലിന്യ കേന്ദ്രമായിരുന്ന തോടി​െൻറ പുനരുജ്ജീവനത്തിന് നിമിത്തമായി. ജനകീയ സമിതി നേതൃത്വത്തിൽ പല സ്ഥലങ്ങളിലായി നിർമിച്ച താൽക്കാലിക തടയണ വഴി ഈ വേനലിൽ തോടിനു സമീപത്തെ പല വീടുകളിലെയും കിണറുകളിൽ സമൃദ്ധമായി കുടിവെള്ളം ലഭിച്ചു. ചെക്ക് ഡാം കൂടി വരുന്നതോടെ മേഖലയിലെ കുടിവെള്ള പ്രശ്നത്തിന് ഒരളവുവരെ പരിഹാരമാകുമെന്നാണ് കരുതുന്നത്. ചെക്ക് ഡാം നിർമാണ പ്രവൃത്തി ഉദ്ഘാടനം ബ്ലോക്ക് പഞ്ചായത്ത് പ്രസിഡൻറ് സി.എച്ച്. ബാലകൃഷ്ണൻ വെള്ളിയാഴ്ച വൈകീട്ട് നാലിന് നിർവഹിക്കും. ഗ്രാമപഞ്ചായത്ത് പ്രസിഡൻറ് എം.കെ. സഫീറ അധ്യക്ഷത വഹിക്കും. ബ്ലോക്ക് പഞ്ചായത്ത് അംഗം മണ്ടോടി ബഷീർ സംസാരിക്കും. കെ.എം.സി.സി സ്നേഹ മുദ്ര: 10 ലക്ഷം രൂപയുടെ സേവന പ്രവർത്തനങ്ങൾ 29ന് പ്രവാസി സംഗമം നാദാപുരം: 'ചേർന്ന് നിൽക്കാം കാലത്തോട് സംവദിക്കാം' എന്ന തലക്കെട്ടിൽ ബഹ്‌റൈൻ കെ.എം.സി.സി പുറമേരി പഞ്ചായത്ത് വർഷം നീളുന്ന സ്നേഹ മുദ്ര പരിപാടിയുടെ ഭാഗമായി 10 ലക്ഷം രൂപയുടെ സന്നദ്ധ പ്രവർത്തനങ്ങൾ നടത്തുമെന്ന് ഭാരവാഹികൾ വാർത്ത സമ്മേളനത്തിൽ അറിയിച്ചു. ഞായറാഴ്ച എളയടം കപ്ലിക്കണ്ടി മൊയ്തു മാസ്റ്റർ നഗറിൽ നടക്കുന്ന പ്രവാസി സംഗമത്തിലും കുടുംബ സംഗമത്തിലുമാണ് സഹായ വിതരണം നടക്കുക. നിർധന യുവതിയുടെ വിവാഹത്തിന് പത്തു പവൻ ആഭരണവും രണ്ടു കുടുംബങ്ങളുടെ വീട് നിർമാണത്തിന് ലക്ഷം വീതവും നൽകും. ബിഹാർ കുടിവെള്ള പദ്ധതിയിലേക്ക് ഇരുപത് കുഴൽ കിണറുകളുടെ സമർപ്പണവും സി.എച്ച്. സ​െൻറർ ആംബുലൻസിലേക്കുള്ള മെഷീൻ സമർപ്പണവും നടക്കും. ചികിത്സ സഹായവും നൽകും. രാവിലെ ഒമ്പതു മണിക്ക് പഞ്ചായത്ത് മുസ്ലിംലീഗ് പ്രസിഡൻറ് സി.കെ. ഇബ്രാഹീം പതാക ഉയർത്തും. പ്രവാസി സംഗമം ജില്ല ലീഗ് സെക്രട്ടറി നൊച്ചാട്ട് കുഞ്ഞബ്ദുല്ല ഉദ്‌ഘാടനം ചെയ്യും. പത്തരക്ക് നടക്കുന്ന കുടുംബസംഗമം പാറക്കൽ അബ്ദുല്ല എം.എൽ.എ ഉദ്‌ഘാടനം ചെയ്യും. വൈകീട്ട് നാലിന് വിദ്യാർഥി യുവജന സംഗമം മുസ്ലിം യൂത്ത് ലീഗ് ദേശീയ ജനറൽ സെക്രട്ടറി സി.കെ. സുബൈർ ഉദ്‌ഘാടനം ചെയ്യും. രാത്രി ഏഴിന് പൊതുസമ്മേളനം കേരള വഖഫ് ബോർഡ് ചെയർമാൻ പാണക്കാട് റഷീദലി ശിഹാബ് തങ്ങൾ ഉദ്‌ഘാടനം ചെയ്യും. ഇ.ടി. മുഹമ്മദ് ബഷീർ എം.പി മുഖ്യാതിഥിയാകും. കെ.എം. ഷാജി എം.എൽ.എ മുഖ്യ പ്രഭാഷണം നടത്തും. വാർത്തസമ്മേളനത്തിൽ സ്വാഗതസംഘം ഭാരവാഹികളായ കെ.ടി. അബ്ദുറഹ്മാൻ, കെ. മുഹമ്മദ് സാലിഹ്, ജമാൽ കല്ലുംപുറം പി.പി.എ ഹമീദ്, കെ.ഇ. ഇസ്മാഇൗൽ, മജീദ് കപ്ലിക്കണ്ടി, സിദ്ദീഖ് കോരങ്കണ്ടി എന്നിവർ പങ്കെടുത്തു. ആരോഗ്യ ഇൻഷുറൻസ് കാർഡ് പുതുക്കൽ 28ന് നാദാപുരം: ഗ്രാമപഞ്ചായത്ത് ആരോഗ്യ ഇൻഷുറൻസിൽ പുതുതായി ചേരുന്നവർക്കും, 2013ന് ശേഷം കാർഡ് നഷ്ടപ്പെട്ടവർക്ക് കാർഡ് പുതുക്കാനുമുള്ള ക്യാമ്പ് 28ന് നാദാപുരം ഗവ. യു.പി.സ്‌കൂളിൽ നടക്കുമെന്ന് സെക്രട്ടറി അറിയിച്ചു.