കൊയപ്പ ഫുട്ബാൾ: അൽ മിൻഹാൽ വളാഞ്ചേരിക്ക് വിജയം

ക്വാർട്ടർ ഫൈനൽ മത്സരങ്ങൾക്ക് 15ന് തുടക്കം കൊടുവള്ളി: ലൈറ്റ്നിങ് സ്പോർട്സ് ക്ലബി​െൻറ ആഭിമുഖ്യത്തിൽ കൊടുവള്ളി നഗരസഭ ഫ്ലഡ് ലിറ്റ് മിനി സ്റ്റേഡിയത്തിൽ നടക്കുന്ന കൊയപ്പ സ്മാരക അഖിലേന്ത്യ സെവൻസ് ഫുട്ബാൾ ടൂർണമ​െൻറി​െൻറ ക്വാർട്ടർ ഫൈനൽ മത്സരങ്ങൾക്ക് ഞായറാഴ്ച തുടക്കം. ലക്കി സോക്കർ ആലുവ, സ്കൈബ്ലു എടപ്പാൾ, ജിങ്കാന തൃശൂർ, ഫിഫ മഞ്ചേരി ,ടൗൺ ടീം അരീക്കോട്, എഫ്.സി. പെരിന്തൽമണ്ണ, എ.വൈ.സി ഉച്ചാരക്കടവ്, അൽ മിൻഹാൽ വളാഞ്ചേരി എന്നീ എട്ട് ടീമുകളാണ് ക്വാർട്ടർ ഫൈനലിൽ കളിക്കാൻ യോഗ്യത നേടിയത്. ആദ്യ ക്വാർട്ടർ ഫൈനൽ മത്സരത്തിൽ ലക്കി സോക്കർ ആലുവയും സ്കൈബ്ലു എടപ്പാളും തമ്മിൽ മാറ്റുരക്കും. ഇന്ന് ശനിയാഴ്ച കളിയില്ല. വെള്ളിയാഴ്ച നടന്ന മത്സരത്തിൽ അൽമിൻഹാൽ വളാഞ്ചേരിക്ക് വിജയം. ഏകപക്ഷീയമായ നാലു ഗോളുകൾക്കാണ് കെ.എഫ്.സി കാളികാവിനെ പരാജയപ്പെടുത്തിയത്. ഫോട്ടോ: കെ.എഫ്.സി. കാളികാവും അൽ മിൻഹാൽ വളാഞ്ചേരിയുംതമ്മിൽ നടന്ന മത്സരം