ഓസോൺ സംരക്ഷണ ബോധവത്കരണം

ആയഞ്ചേരി: സംസ്ഥാന ശാസ്ത്ര സാങ്കേതിക പരിസ്ഥിതി കൗൺസിലും ചീക്കിലോട് യു.പി സ്കൂൾ ശാസ്ത്ര ക്ലബും സംയുക്തമായി സംഘടിപ്പിച്ച ഓസോൺ സംരക്ഷണ ബോധവത്കരണ ക്ലാസ് ഗ്രാമപഞ്ചായത്ത് പ്രസിഡൻറ് എം.എം. നശീദ ഉദ്ഘാടനം ചെയ്തു. ഓസോൺ പോസ്റ്റർ പ്രദർശനം എൻ.ജി.സി വടകര വിദ്യാഭ്യാസ ജില്ല പ്രസിഡൻറ് കെ. സുരേഷ് ബാബു ഉദ്ഘാടനം ചെയ്തു. പി.ടി.എ പ്രസിഡൻറ് എം. പ്രദീപൻ അധ്യക്ഷത വഹിച്ചു. എസ്.ഇ.പി ജില്ല കോഓഡിനേറ്റർ ഡോ. സിജേഷ് ക്ലാസെടുത്തു. എൽ.എസ്.എസ് ജേതാക്കൾക്ക് ഗ്രാമപഞ്ചായത്ത് അംഗം രൂപ കേളോത്ത് ഉപഹാരം നൽകി. എം. രാജൻ, പി.ടി. അബ്ദുൽ നാസർ, കെ. സുരേഷ് ബാബു, കെ.പി. അനിത, സി.എച്ച്. മൊയ്തു, എ. മുഹമ്മദ് ആദിൽ, വി.പി. സുധാകരൻ എന്നിവർ സംസാരിച്ചു. ആരോഗ്യ-വിദ്യാഭ്യാസ ബോധവത്കരണ പരിപാടിയിൽ സൗമ്യേന്ദ്രൻ കണ്ണംവെള്ളി, ഹെൽത്ത് ഇൻസ്പെക്ടർ സുധാകരൻ എന്നിവർ ക്ലാസെടുത്തു. എം.പി.ടി.എ പ്രസിഡൻറ് എൻ.കെ. സുധ അധ്യക്ഷത വഹിച്ചു. ടി. ശശീന്ദ്രൻ, എ.കെ. രാജീവൻ, ഇ. രാജീവൻ, സി.കെ. ഷജീല എന്നിവർ സംസാരിച്ചു.