മെഡിക്കൽ കോളജിൽ സി.ടി സ്കാൻ വീണ്ടും തകരാറിൽ

മെഡിക്കൽ കോളജിൽ സ്കാനിങ് യന്ത്രം വീണ്ടും തകരാറിൽ കോഴിക്കോട്: മെഡിക്കൽ കോളജ് ആശുപത്രിയിലെ സി.ടി സ്കാൻ യന്ത്രം വീണ്ടും തകരാറിലായി. ഒരാഴ്ചക്കിടെ രണ്ടാം തവണയാണ് ഇത് കേടുവരുന്നത്. വെള്ളിയാഴ്ച ഉച്ചക്ക് രണ്ടിന് പ്രവർത്തിച്ചുകൊണ്ടിരിക്കെയാണ് യന്ത്രം തകരാറിലായത്. ഇതേതുടർന്ന് നഗരത്തിലെ സ്വകാര്യ ആശുപത്രികളെ സമീപിക്കേണ്ട ഗതികേടിലാണ് രോഗികൾ. ഇക്കഴിഞ്ഞ ശനിയാഴ്ചയാണ് പ്രവർത്തിച്ചുകൊണ്ടിരിക്കെ ബോർഡ് തകരാറായതിനെത്തുടർന്ന് യന്ത്രം നിന്നുപോയത്. 'മാധ്യമം' വാർത്ത നൽകിയതിനെത്തുടർന്ന് തകരാർ പിറ്റേദിവസം പരിഹരിച്ചു. എന്നാൽ, വീണ്ടും തകരാറിലാവുകയായിരുന്നു. കാര്യക്ഷമമായ റിപ്പയ‍റിങ് ഇല്ലാത്തതിനാലാണ് ഇടക്കിടെ തകരാറിലാവുന്നതെന്ന് ആക്ഷേപമുണ്ട്.