ന്യൂട്രിമിക്​സ്​ പാചക മൽസരം സംഘടിപ്പിച്ചു

ന്യൂട്രിമിക്സ് പാചകമത്സരം സംഘടിപ്പിച്ചു ഒാമശ്ശേരി: ദേശീയ പോഷകാഹാര വാരാചരണത്തി​െൻറ ഭാഗമായി കൊടുവള്ളി ബ്ലോക്ക് പഞ്ചായത്തും കൊടുവള്ളി െഎ.സി.ഡി.എസ് േപ്രാജക്ടും അഡീഷനൽ െഎ.സി.ഡി.എസ് പ്രോജക്ടും സംയുക്തമായി മിനി സിവിൽ സ്റ്റേഷനിൽ ടി.എച്ച്.ആർ ന്യൂട്രിമിക്സ് പാചകമത്സരം സംഘടിപ്പിച്ചു. ബ്ലോക്ക് പഞ്ചായത്ത് പ്രസിഡൻറ് സൂപ്പർ അഹമ്മദ്കുട്ടി ചടങ്ങ് ഉദ്ഘാടനം ചെയ്തു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ അഗസ്റ്റിൻ പാലാട്ട് അധ്യക്ഷത വഹിച്ചു. കൊടുവള്ളി െഎ.സി.ഡി.എസിലുൾപ്പെട്ട നാലു പഞ്ചായത്തുകളിലും അഡീഷനൽ െഎ.സി.ഡി.എസിലെ അഞ്ച് പഞ്ചായത്തുകളിലുമുള്ളവരാണ് മത്സരത്തിൽ പങ്കാളികളായത്. മുനിസിപ്പൽ ചെയർപേഴ്സൻ ശരീഫ കണ്ണാടിപ്പൊയിൽ മുഖ്യാതിഥിയായിരുന്നു. വിഭവങ്ങൾ പാകംചെയ്യുന്ന മത്സരത്തിൽ ഒാമശ്ശേരി പഞ്ചായത്തിലെ സക്കീന റസാഖും താമരശ്ശേരി പഞ്ചായത്തിലെ അശ്വനി പ്രസാദും വിജയികളായി.