പ്രശ്‌നോത്തരി

കാക്കൂർ: ഡോ. രാംമനോഹർ ലോഹ്യയുടെ 50-ാം ചരമവാർഷികാചരണത്തി​െൻറ ഭാഗമായി എലത്തൂർ നിയോജക മണ്ഡലത്തിലെ യു.പി വിഭാഗം വിദ്യാർഥികൾക്കായുള്ള മത്സരം കാക്കൂർ ഗ്രാമീണ ലൈബ്രറിയിൽ നടത്തി. കൺവീനർ പി. പ്രദീപ് കുമാർ ഉദ്ഘാടനം ചെയ്തു. വായനശാല സെക്രട്ടറി എം. ഷാജി മത്സരം നയിച്ചു. കാക്കൂർ ഗ്രാമപഞ്ചായത്ത് വൈസ് പ്രസിഡൻറ് സി.പി. നരേന്ദ്രനാഥ്, മെമ്പർ കെ.കെ. വിശ്വംഭരൻ, സി. രാഘവൻ നായർ, അരിയിൽ സുരേഷ്, ടി.കെ. കുഞ്ഞൂട്ടി, സർജാസ്, ടി.കെ. സത്യൻ, ഹാഷിം എന്നിവർ സംസാരിച്ചു. വിജയികൾക്ക് മണ്ഡലം പ്രസിഡൻറ് ടി.എം. ശിവരാജൻ സമ്മാനദാനം നിർവഹിച്ചു. വായനശാല പ്രസിഡൻറ് പി. അശോകൻ സ്വാഗതവും കെ.പി. മുഹമ്മത് കോയ നന്ദിയും പറഞ്ഞു.