റിലയന്‍സ് യൂത്ത് ഫുട്‌ബാള്‍: മോഡല്‍ സ്‌കൂളിന് ഇരട്ട ജയം

കോഴിക്കോട്: ദേവഗിരി സ​െൻറ് ജോസഫ്സ് കോളജ് ഗ്രൗണ്ടില്‍ നടക്കുന്ന റിലയന്‍സ് ഫൗണ്ടേഷന്‍ യൂത്ത് സ്‌പോര്‍ട്‌സ് ഫുട്‌ബാള്‍ ടൂര്‍ണമ​െൻറിൽ കോഴിക്കോട് ഗവ.മോഡല്‍ ഹയര്‍ സെക്കൻഡറി സ്‌കൂളിന് ഇരട്ടവിജയം. ആണ്‍കുട്ടികളുടെ ജൂനിയര്‍, സീനിയര്‍ വിഭാഗങ്ങളിലാണ് ടീം വിജയിച്ചത്. ജൂനിയര്‍ വിഭാഗത്തില്‍ പന്തീരങ്കാവ് ഹയര്‍ സെക്കൻഡറി സ്‌കൂളിനെ 4-0നാണ് മോഡല്‍സ്‌കൂള്‍ തോല്‍പ്പിച്ചത്. മുഹമ്മദ് ഫര്‍ഷിദ് ഇരട്ട ഗോള്‍ നേടി. സീനിയര്‍ വിഭാഗത്തില്‍ മോഡല്‍ സ്‌കൂള്‍ താരങ്ങളുടെ ബൂട്ടില്‍ നിന്ന് എതിര്‍വലയിലെത്തിയത് എണ്ണം പറഞ്ഞ 11 ഗോളുകള്‍. ഈ മത്സരത്തിലും എതിരാളികളായ പന്തീരങ്കാവ് എച്ച്.എസ്.എസിന് മറുപടിയുണ്ടായില്ല. ബിനീഷ് നാലുഗോള്‍ നേടി. ആദര്‍ശി​െൻറ വകയായിരുന്നു മൂന്നു ഗോളുകള്‍, വിപിലേഷ് കുമാര്‍, സല്‍മാനുല്‍ ഫാരിസ്, ശ്രേവേശ്, ഇഖ്ബാല്‍ എന്നിവര്‍ ഓരോ ഗോള്‍ വീതം നേടി. സീനിയര്‍ വിഭാഗത്തിലെ മറ്റൊരു മത്സരത്തില്‍ പുതിയറ ഗവ. വൊക്കേഷനല്‍ ഹയര്‍സെക്കൻഡറി സ്‌കൂള്‍ 2-0ന് കുറ്റിച്ചിറ ജി.വി.എച്ച്.എസ്.എസിനെ തോല്‍പിച്ചു.