എം.എൽ.എ സംഘം യു.കെ സന്ദർശിച്ചു

തിരുവനന്തപുരം: മന്ത്രി എ.കെ. ബാല​െൻറ നേതൃത്വത്തിൽ എം.എൽ.മാരുടെ സംഘം യു.കെ സന്ദർശനം നടത്തി. ബ്രിട്ടീഷ് പാർലമ​െൻററി പ്രവർത്തനങ്ങളെക്കുറിച്ചുള്ള പഠനമായിരുന്നു പ്രധാന യാത്രഉദ്ദേശ്യം. സംസ്ഥാന പാർലമ​െൻററികാര്യ വകുപ്പി​െൻറ കീഴിലുള്ള ഇൻസ്റ്റിറ്റ്യൂട്ട് ഒാഫ് പാർലമ​െൻററി അഫയേഴ്സി​െൻറ ആഭിമുഖ്യത്തിലായിരുന്നു യാത്ര. 19ന് വൈകീട്ട് ലണ്ടനിലെത്തിയ പ്രതിനിധി സംഘത്തെ വിമാനത്താവളത്തിൽ യു.കെയിലെ ഇന്ത്യൻ എംബസി ഉദ്യോഗസ്ഥർ സ്വീകരിച്ചു. 21ന് സംഘം ബ്രിട്ടീഷ് പാർലമ​െൻറ് സന്ദർശിച്ചു. ഹൗസ് ഒാഫ് കോമൺസ് അംഗം വീരേന്ദ്ര ശർമയുമായി കൂടിക്കാഴ്ച നടത്തി. ബ്രിട്ടനിലെ പാർലമ​െൻററി സംവിധാനം, സഭയുടെ ദൈനംദിന പ്രവർത്തനങ്ങൾ, ബില്ലുകളുടെ അവതരണരീതിയും ഇടപെടലും എന്നിവ സംബന്ധിച്ചും വിശദമായ ചർച്ചകൾ നടത്തി. സംഘാംഗങ്ങൾ പാർലമ​െൻറി​െൻറ ഇരുസഭകളും സന്ദർശിച്ചു. വില്യം ഷേക്സ്പിയറുടെ ജന്മഗൃഹം, കാറൽ മാക്സി​െൻറ ശവകുടീരം, കേംബ്രിഡ്ജ് യൂനിവേഴ്സിറ്റി, ബക്കിങ്ഹാം പാലസ് തുടങ്ങിയ സ്ഥലങ്ങളും സംഘം സന്ദർശിച്ചു. മന്ത്രിയെകൂടാതെ എം.എൽ.എമാരായ എ. പ്രദീപ്കുമാർ, സണ്ണി ജോസഫ്, കെ. കൃഷ്ണൻകുട്ടി, വി.പി. സജീന്ദ്രൻ, വീണജോർജ്, കെ.ബി. ഗണേഷ്കുമാർ, എം. ഉമ്മർ, ചിറ്റയം ഗോപകുമാർ എന്നിവരും ഇൻസ്റ്റിറ്റ്യൂട്ട് ഒാഫ് പാർലമ​െൻററി അഫയേഴ്സ് ഡയറക്ടർ ജനറൽ ബിജു ലക്ഷ്മണനുമാണ് സംഘത്തിലുള്ളത്.