അംഗൻവാടി ജ​ീവനക്കാർ ആദായനികുതി ഓഫിസ്​ മാർച്ച് നടത്തി

കോഴിക്കോട്: അംഗൻവാടികളിൽ പാചകം ചെയ്തുകൊടുക്കുന്ന ഭക്ഷണം പാക്കറ്റ് രൂപത്തിൽ നൽകാനുള്ള കേന്ദ്രസർക്കാർ നീക്കത്തിനെതിരെ ജീവനക്കാർ ആദായനികുതി ഓഫിസ് മാർച്ച് നടത്തി. അങ്കൻവാടി വർക്കേഴ്സ് ആൻഡ് ഹെൽപ്പേഴ്സ് അസോസിയേഷൻ(സി.ഐ.ടി.യു) നേതൃത്വത്തിലായിരുന്നു മാർച്ച്. കേന്ദ്രമന്ത്രി മേനകാ ഗാന്ധിയുടെ കോലം കത്തിച്ചു. സി.ഐ.ടി.യു ജില്ല പ്രസിഡൻറ് വി.പി. കുഞ്ഞികൃഷ്ണൻ ഉദ്ഘാടനം ചെയ്തു. ജില്ല പ്രസിഡൻറ് വി.യു. ഏലിയാമ അധ്യക്ഷത വഹിച്ചു. എച്ച്.എ. സാബിറാബി, ടി.ഗീത എന്നിവർ സംസാരിച്ചു. ജില്ല സെക്രട്ടറി കെ. ഷീബ സ്വാഗതവും ടി. രതി നന്ദിയും പറഞ്ഞു.