എം.പി-എം.എൽ.എ ഫണ്ട് വിനിയോഗം വിലയിരുത്തി

എം.പി, -എം.എൽ.എ ഫണ്ട് വിനിയോഗം വിലയിരുത്തി കോഴിക്കോട്: ജില്ലയിലെ പാർലമ​െൻറ് അംഗങ്ങളുടെയും 13 നിയമസഭാംഗങ്ങളുടെയും പ്രാദേശിക വികസന ഫണ്ട് ഉപയോഗിച്ച് നടപ്പാക്കുന്ന വികസനപദ്ധതികളുടെ നിർവഹണ പുരോഗതി ജില്ല കലക്ടർ യു.വി. ജോസി​െൻറ അധ്യക്ഷതയിൽ യോഗം വിലയിരുത്തി. എം.എൽ.എമാരുടെ േപഴ്സനൽ സ്റ്റാഫ് അംഗങ്ങളും നിർവഹണ ഉദ്യോഗസ്ഥരും പങ്കെടുത്തു. എം.പി, -എം.എൽ.എ ഫണ്ട് വിനിയോഗം കാര്യക്ഷമമാക്കുന്നതിനും നിർവഹണം വേഗത്തിലാക്കുന്നതിനും ഓരോ മാസവും കലക്ടറേറ്റിൽ അവലോകനം നടത്താൻ മന്ത്രി ടി.പി. രാമകൃഷ്ണ​െൻറ സാന്നിധ്യത്തിൽ ചേർന്ന യോഗതീരുമാനപ്രകാരമാണ് നടപടി. ജനപ്രതിനിധികൾ നിർദേശിക്കുന്ന പദ്ധതികൾ നടപടികൾ പൂർത്തീകരിച്ച് വേഗത്തിൽ നടപ്പാക്കാനും ഫണ്ട് വിനിയോഗം 100 ശതമാനമാക്കാനും ഉദ്യോഗസ്ഥർ ജാഗ്രത പാലിക്കണമെന്ന് കലക്ടർ നിർദേശം നൽകി. സീനിയർ ഫിനാൻസ് ഓഫിസർ ജെസി ഹെലൻ ഹമദ്, ജില്ല പ്ലാനിങ് ഓഫിസർ എം.എ. ഷീല എന്നിവർ നേതൃത്വം നൽകി.