ഓട് വ്യവസായത്തെ സർക്കാർ സംരക്ഷിക്കണം

ഫറോക്ക്: തകർച്ച നേരിടുന്ന ഓടു വ്യവസായത്തെയും മേഖലയിൽ ജോലി ചെയ്യുന്നവരുടെ തൊഴിലും സംരക്ഷിക്കണമെന്നും, ഗൗരവമായി ഈ വിഷയം സർക്കാറി​െൻറ ശ്രദ്ധയിൽപ്പെടുത്താൻ സ്ഥലം എം.എൽ.എ വി.കെ.സി. മമ്മദ് കോയ നടപടി സ്വീകരിക്കണമെന്നും കോൺഗ്രസ് കോർപറേഷൻ ചെറുവണ്ണൂർ മേഖല 57, 59 ബൂത്ത് കമ്മിറ്റികൾ ആവശ്യപ്പെട്ടു. കമ്മിറ്റി രൂപവത്കരണയോഗം ജില്ല ജനറൽ സെക്രട്ടറി തസ്വീർ ഹസ്സൻ ഉദ്ഘാടനം ചെയ്തു. ടി.പി. അബ്ദുൽ അസീസ് അധ്യക്ഷത വഹിച്ചു. ബ്ലോക്ക് ഭാരവാഹിയായ സുബ്രഹ്മണ്യൻ, അസ്കർ ബാബു, എം. ഹംസക്കോയ, ബഷീർ കൊളക്കാടൻ, സി.കെ. മണി, കെ. ഹമീദ്, കെ.പി. ശശികല, കെ. സനീഷ് എന്നിവർ സംസാരിച്ചു.