മുചുകുന്നിൽ രാസമാലിന്യ ഫാക്​ടറി വേണ്ട; വിദ്യാർഥികൾ മുഖ്യമന്ത്രിക്ക്​ കത്തയച്ചു

കൊയിലാണ്ടി: ഒാസോൺ ദിനത്തിൽ ബാറ്ററി കമ്പനിക്കെതിരെ വിദ്യാർഥികൾ കത്തയച്ചു. മുചുകുന്നിൽ നിർമാണ പ്രവൃത്തി നടന്ന ഒാസോൺ ഫാക്ടറിക്കെതിരെയാണ് മുചുകുന്ന് നോർത്ത് യു.പി സ്കൂൾ വിദ്യാർഥികൾ ഫാക്ടറി സ്ഥലം സന്ദർശിച്ച് മുഖ്യമന്ത്രിക്ക് കത്തയച്ചത്. 'പച്ചപ്പ്' പരിസ്ഥിതി ക്ലബി​െൻറ ആഭിമുഖ്യത്തിലായിരുന്നു പ്രതിഷേധ പരിപാടി. ബാറ്ററി ഫാക്ടറി സ്ഥാപിച്ചാൽ സ്കൂളിലെ കുടിവെള്ളം മലിനമാകുമെന്നും സമീപത്തെ അകലാപ്പുഴ രാസമാലിന്യങ്ങളാൽ നിറയുമെന്നും വിദ്യാർഥികൾ കത്തിൽ പറഞ്ഞു. ഫാക്ടറിക്കെതിരെ തദ്ദേശവാസികൾ പ്രക്ഷോഭത്തിലാണ്. ഇതേതുടർന്ന് പ്രവൃത്തി നിർത്തിവെച്ചിരിക്കുകയാണ്. അക്ഷയ ലക്ഷ്മി, കെ.എം. അർച്ചന, സി.എം. ജിഷ്ണു, എ.പി. നസീമ, കെ.വി. ഫാത്തിമ, കെ.എസ്. നവീൻ, ആയിഷ ഫർഹാന എന്നിവർ നേതൃത്വം നൽകി.