പി. വിശ്വനാഥനെ അനുസ്മരിച്ചു

കോഴിക്കോട്: ഫോട്ടോഗ്രഫി രംഗത്ത് നാലു പതിറ്റാണ്ടിലേറെക്കാലം സേവനമനുഷ്ഠിച്ച മാതൃഭൂമി മുന്‍ ചീഫ് ഫോട്ടോഗ്രാഫര്‍ പയ്യേരി വിശ്വനാഥ​െൻറ വിയോഗത്തില്‍ കാലിക്കറ്റ് പ്രസ്‌ക്ലബ് ഹാളില്‍ ചേര്‍ന്ന മാധ്യമപ്രവര്‍ത്തകരുടെ യോഗം അനുശോചിച്ചു. ജോലിയോടൊപ്പം എളിമയുടെ ഗാംഭീര്യം നിലനിര്‍ത്താന്‍ സാധിച്ച മികച്ച ഫോട്ടോ ജേണലിസ്റ്റായിരുന്നു വിശ്വേട്ടനെന്ന് യോഗത്തില്‍ സംസാരിച്ചവര്‍ അഭിപ്രായപ്പെട്ടു. പ്രസ്‌ക്ലബ് സെക്രട്ടറി എന്‍. രാജേഷ് അധ്യക്ഷത വഹിച്ചു. ജോ.സെക്രട്ടറി കെ.സി. റിയാസ് അനുശോചന പ്രമേയം അവതരിപ്പിച്ചു. പ്രസ്‌ക്ലബ് നിയുക്ത പ്രസിഡൻറ് കെ. പ്രേമനാഥ്, മുതിര്‍ന്ന മാധ്യമപ്രവര്‍ത്തകരായ വി. അശോകൻ, വി.എൻ. ജയഗോപാലന്‍, ടി. സുരേഷ്ബാബു, കെ. ബാബുരാജ്, മുതിര്‍ന്ന ഫോട്ടോഗ്രാഫര്‍മാരായ പി. മുസ്തഫ, വി. ആലി, സി. ചോയിക്കുട്ടി, മാതൃഭൂമി സീനിയര്‍ ഫോട്ടോഗ്രാഫര്‍ കെ.കെ. സന്തോഷ് എന്നിവർ സംസാരിച്ചു. പ്രസ്‌ക്ലബ്ട്രഷറര്‍ വിപുല്‍നാഥ് സ്വാഗതവും വൈസ്പ്രസിഡൻറ് റഫീഖ് റമദാന്‍ നന്ദിയും പറഞ്ഞു.