പയ്യോളി^പേരാമ്പ്ര റോഡ് ഗതാഗതയോഗ്യമാക്കണം ^വനിത ലീഗ്

പയ്യോളി-പേരാമ്പ്ര റോഡ് ഗതാഗതയോഗ്യമാക്കണം -വനിത ലീഗ് മേപ്പയൂർ: പയ്യോളി -പേരാമ്പ്ര റോഡ് ഗതാഗതയോഗ്യമാക്കണമെന്ന് വനിത ലീഗ് മേപ്പയൂർ പഞ്ചായത്ത് കൺവെൻഷൻ അധികൃതരോട് ആവശ്യപ്പെട്ടു. വർഷങ്ങളേറെയായി അറ്റകുറ്റപ്പണി നടത്താത്ത ഈ റോഡിലൂടെ യാത്ര ദുഷ്കരമാണെന്നും പൊതുജനത്തിന് നടന്നുപോകാൻപോലും പറ്റാത്ത അവസ്ഥയാണ് നിലവിലുള്ളതെന്നും കമ്മിറ്റി ചൂണ്ടിക്കാട്ടി. വനിത ലീഗ് ജില്ല കമ്മിറ്റി അംഗം കെ.കെ. ഫാത്തിമ കൺവെൻഷൻ ഉദ്ഘാടനം ചെയ്തു. മേപ്പയൂർ ഗ്രാമപഞ്ചായത്ത് മെംബർ ഷർമിന കോമത്ത് അധ്യക്ഷത വഹിച്ചു. ഫസ്ല മണിയൂർ മുഖ്യപ്രഭാഷണം നടത്തി. സീനത്ത് ചെറുവണ്ണൂർ, എം.കെ. സുലൈഖ, കെ.കെ. പുഷ്പ, സറീന ഒളോറ, അഷീദ നടുക്കാട്ടിൽ, റംല പുല്ലങ്കോട്ടുമ്മൽ എന്നിവർ സംസാരിച്ചു. ഭാരവാഹികൾ: സറീന ഒളോറ (പ്രസി), കെ.എം. ഹൈറുന്നിസ, ഖദീജ മൈലാടിത്തറമ്മൽ (വൈസ് പ്രസി), കെ.കെ. പുഷ്പ (ജന. െസക്ര), അഷീദ നടുക്കാട്ടിൽ, പി.കെ. ജസീന (ജോ. െസക്ര), റംല പുല്ലങ്കോട്ടുമ്മൽ (ട്രഷ) എന്നിവരെ െതരഞ്ഞെടുത്തു.