ചത്ത കോഴികളെ ബൈപ്പാസ് റോഡിൽ തള്ളി

പന്തീരാങ്കാവ്: ചത്ത കോഴികളെ ചാക്കിൽകെട്ടി ബൈപ്പാസ് റോഡരികിലെ നടപ്പാതയിൽ തള്ളി. കഴിഞ്ഞദിവസം തള്ളിയ കോഴികൾ ചീഞ്ഞുനാറി തുടങ്ങിയിട്ടും നീക്കിയില്ല. പുലർെച്ച പന്തീരാങ്കാവ് പെട്രോൾ ബങ്കിനു മുന്നിലാണ് ചത്ത കോഴികളെ ഉപേക്ഷിച്ചത്. ചാക്ക് തെരുവ് നായ്ക്കൾ കടിച്ചുകീറി റോഡുമുഴുവൻ പരന്നതോടെയാണ്‌ നാട്ടുകാരുടെ ശ്രദ്ധയിൽപ്പെടുന്നത്. ഇരുട്ടി​െൻറ മറവിൽ കോഴി ലോറികളിൽനിന്നും ചാക്കിൽ നിറച്ചു റോഡിൽ തള്ളിയതാണെന്ന് സംശയമുണ്ട്. ദുർഗന്ധം മാത്രമല്ല, മാലിന്യം തിന്നാനെത്തുന്ന തെരുവുനായ്ക്കൾ കാൽനടക്കാർക്കും ഇരുചക്ര വാഹനങ്ങൾക്കും ഭീഷണിയാണ്.