കഞ്ചാവുമായി വയനാട്​ സ്വദേശി പിടിയിൽ

കോഴിക്കോട്: കഞ്ചാവ് പൊതികളുമായി വയനാട് അമ്പലവയൽ സ്വദേശി പിടിയിൽ. അമ്പലവയൽ ബാബു എന്നറിയപ്പെടുന്ന ബാബുവിനെയാണ് 20 പൊതി കഞ്ചാവുമായി എക്സൈസ് സംഘം ശ്രീകണ്ഠേശ്വര ക്ഷേത്ര പരിസരത്തുനിന്ന് പിടികൂടിയത്. കഞ്ചാവ്പൊതി ഒന്നിന് 600 രൂപക്കാണ് ഇയാൾ വിൽപന നടത്തിയിരുന്നതത്രെ. കോഴിക്കോട് റേഞ്ച് എക്സൈസ് ഇൻസ്പെക്ടർ സി.കെ. വിശ്വനാഥന് കിട്ടിയ രഹസ്യ വിവരത്തെ തുടർന്ന് നടത്തിയ പരിശോധനയിൽ ശനിയാഴ്ചയാണ് ഇയാൾ പിടിയിലായത്. മൊഫ്യൂസിൽ ബസ്സ്റ്റാൻഡ് കേന്ദ്രീകരീച്ച് വിദ്യാർഥികൾക്കും ബസ് തൊഴിലാളികൾക്കും കഞ്ചാവ് വിൽപന നടത്തുന്നതിൽ പ്രധാനിയാണിയാൾ. കോടതിയിൽ ഹാജരാക്കിയ പ്രതിയെ റിമാൻഡ്ചെയ്തു. റേഞ്ച് എക്സൈസ് ഇൻസ്പെക്ടർ സി.കെ. വിശ്വനാഥൻ, പ്രിവൻറിവ് ഓഫിസർ പി. ഉണ്ണികൃഷ്ണൻ, സിവിൽ എക്സൈസ് ഓഫിസർമാരായ കെ.പി. രാജേഷ്, ടി.വി. റിഷിത്ത്കുമാർ, മുഹമ്മദ് അബ്ദുൽ റഉൗഫ്, സി. മനോജ്, എം. ഹാരിസ്, ൈഡ്രവർ എഡിസൺ എന്നിവരാണ് പ്രതിയെ അറസ്റ്റുചെയ്തത്.