ബ്രൗൺഷുഗറും ഹഷീഷുമായി കണ്ണൂർ സ്വദേശി പിടിയിൽ

കോഴിക്കോട്: വിൽപനക്ക് കൊണ്ടുവന്ന ബ്രൗൺഷുഗറും ഹഷീഷും സഹിതം കണ്ണൂർ സ്വദേശി അറസ്റ്റിൽ. ചിറക്കൽ പൊന്നങ്കിതൈക്കണ്ടി വീട്ടിൽ അബ്ദുൽ റഹീം (50) ആണ് ഫറോക്ക് എക്സൈസ് സംഘത്തി​െൻറ പിടിയിലായത്. പ്രതിയിൽനിന്ന് അഞ്ചു പൊതി ബ്രൗൺഷുഗറും 1.48 ഗ്രാം ഹഷീഷുമാണ് കണ്ടെടുത്തത്. കല്ലായി, മീഞ്ചന്ത ഭാഗങ്ങളിൽ ലഹരിവസ്തുക്കൾ വിതരണം ചെയ്യുന്നവരിലെ പ്രധാന കണ്ണിയാണിയാൾ. മീഞ്ചന്ത ഭാഗത്തുനിന്നാണ് ഇയാൾ പിടിയിലായത്. എക്സൈസ് ഇൻസ്പെക്ടർ ആർ.പി. പീതാംബരൻ, അസി. എക്സൈസ് ഇൻസ്പെക്ടർ ടി.കെ. നിഷിൽ കുമാർ, എക്സൈസ് ഒാഫിസർമാരായ വി.എം. മുഹമ്മദ് അസ്ലം, എം. ഷിബു, പി. വിപിൻ, എക്സൈസ് ഡ്രൈവർ എം.എൻ. അനിൽകുമാർ എന്നിവരടങ്ങിയ സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.