ഭീമൻ തിമിംഗലത്തി​െൻറ ജഡം കരക്കടിഞ്ഞു

ബേപ്പൂർ: മാറാട് കൈതവളപ്പ് കടപ്പുറത്ത് ഹിദായത്തുസ്വിബിയാൻ മദ്റസക്ക് സമീപം കടൽഭിത്തിക്കരികിലായി . ദിവസങ്ങൾക്ക് മുമ്പ് ആഴക്കടലിൽ കപ്പലിടിച്ച് ചത്തതായിരിക്കുമെന്ന് സംശയിക്കുന്നു. കുടൽമാല പൊട്ടി പുറത്തായ നിലയിലാണ്. ജനങ്ങൾ തിങ്ങിത്താമസിക്കുന്ന പ്രദേശത്ത് രൂക്ഷഗന്ധം അനുഭവപ്പെട്ടപ്പോൾ സമീപവാസികൾ ജഡം കണ്ടെത്തുകയായിരുന്നു. സുമാർ 15-മീറ്റർ നീളവും രണ്ടു -മീറ്റർ വീതിയുമുണ്ട്. 20-ഓളം പേർ വടം കെട്ടിവലിച്ച് കടലിലേക്കുതന്നെ തള്ളാൻ തീവ്രശ്രമം നടത്തിയെങ്കിലും ഫലം കണ്ടില്ല. ഏതാണ്ട് മൂന്നു - ടണ്ണോളം തൂക്കം വരും. നിരവധി ആളുകളാണ് കൈതവളപ്പ് കടപ്പുറത്ത് എത്തിയത്. മാറാട് എസ്.ഐ കെ.എം. ബിനീഷി​െൻറ നേതൃത്വത്തിലുള്ള പൊലീസ് സംഘം സ്ഥലത്തെത്തി. മേൽ നടപടിക്കായി ബേപ്പൂർ കോസ്റ്റൽ െപാലീസിനെ ചുമതലപ്പെടുത്തി.