ബൈക്കിൽ കഞ്ചാവ് വിൽപന: യുവാവ്​ പിടിയിൽ

കോഴിക്കോട്: ആവശ്യക്കാർക്ക് ബൈക്കിൽ കഞ്ചാവ് എത്തിച്ചുെകാടുക്കുന്നയാൾ പിടിയിൽ. ബീച്ച് ആശുപത്രിക്ക് സമീപം വിദ്യാർഥികൾക്കും യുവാക്കൾക്കും കഞ്ചാവ് വിൽപന നടത്തിവന്ന കരുവൻതുരുത്തി പുറ്റേക്കാട് വയലിലകത്ത് കൈതോലപ്പാടം വീട്ടിൽ ഫൈസൽ (31) ആണ് പിടിയിലായത്. 25 പാക്കറ്റ് കഞ്ചാവ് സഹിതം കോഴിക്കോട് എക്സൈസ് എൻഫോഴ്സ്മ​െൻറ് ആൻറി നാർക്കോട്ടിക് സ്പെഷൽ സ്ക്വാഡാണ് ഇയാെള അറസ്റ്റുചെയ്തത്. ബീച്ച് ആശുപത്രി കേന്ദ്രീകരിച്ച് കഞ്ചാവ് വിൽപന നടക്കുന്നതായി വിവരം ലഭിച്ചതിനെതുടർന്ന് നടത്തിയ രഹസ്യ നിരീക്ഷണത്തിലാണ് ഇയാൾ പിടിയിലായത്. എക്സൈസ് ഇൻസ്പെക്ടർ എം.കെ. ഗിരീഷി​െൻറ നേതൃത്വത്തിൽ പ്രിവൻറിവ് ഓഫിസർമാരായ കെ.പി. റഷീദ്, പി. വിനോദ്, സിവിൽ എക്സൈസ് ഓഫിസർമാരായ യോഗേഷ് ചന്ദ്രൻ, ധനീഷ് കുമാർ, എസ്. സജു, ദീപേഷ്, എക്സൈസ് ൈഡ്രവർ ഒ.ടി. മനോജ് എന്നിവരാണ് പ്രതിയെ പിടികൂടിയത്.