ഫാഷിസ്​റ്റ്​ ഭീകരതക്കെതിരെ വെൽഫെയർ പാർട്ടി പ്രതിഷേധ ജ്വാല

must.... കോഴിക്കോട്: മാധ്യമപ്രവർത്തക ഗൗരി ലങ്കേഷി​െൻറ രക്തസാക്ഷിത്വം ഫാഷിസ്റ്റ് വിരുദ്ധ പോരാട്ടങ്ങൾക്ക് കരുത്തുപകരുമെന്ന് വെൽഫെയർ പാർട്ടി സംസ്ഥാന പ്രവർത്തക സമിതിയംഗം ടി. മുഹമ്മദ് വേളം. ഫാഷിസ്റ്റ് ഭീകരതക്കെതിരെ വെൽഫെയർ പാർട്ടി കോഴിക്കോട് നടത്തിയ പ്രതിഷേധ ജ്വാല ഉദ്ഘാടനം ചെയ്യുകയായിരുന്നു അദ്ദേഹം. ഗാന്ധിജിയെ വെടിവെച്ച് കൊന്നതുമുതൽ ആർ.എസ്.എസ് തുടർന്നുവരുന്ന ഫാഷിസ്റ്റ് ഭീകരതക്കെതിരെ ജീവൻ ബലിയർപ്പിച്ചും ജനാധിപത്യ വിശ്വാസികൾ രംഗത്തിറങ്ങേണ്ടിവരുമെന്നും അദ്ദേഹം പറഞ്ഞു. ജില്ല പ്രസിഡൻറ് അസ്ലം ചെറുവാടി അധ്യക്ഷത വഹിച്ചു. എ.പി. വേലായുധൻ, റമീസ് വേളം, മാഹിൻ നെരോത്ത്, പി.സി. മുഹമ്മദ് കുട്ടി എന്നിവർ സംസാരിച്ചു. മൊഫ്യൂസിൽ ബസ്സ്റ്റാൻഡിൽനിന്ന് തുടങ്ങിയ പ്രകടനത്തിന് ടി.കെ. മാധവൻ, എഫ്.എം. അബ്ദുല്ല , എ.എം. അബ്ദുൽ മജീദ്, മുസ്തഫ പാലാഴി, സാദത്ത് കുന്ദമംഗലം എന്നിവർ നേതൃത്വം നൽകി. photo: pk 09