യുവതിയുടെ ദുരൂഹ മരണം: ഭർത്താവ് അറസ്​റ്റിൽ

മേപ്പയൂർ: നന്തിബസാർ കാളിയേരി അസീസി​െൻറ മകൾ ഹനാൻ (22) ദുരൂഹ സാഹചര്യത്തിൽ മരിച്ച സംഭവത്തിൽ ഒളിവിലായിരുന്ന ഭർത്താവ് വിളയാട്ടൂർ പൊക്കിട്ടാട്ട് നബീൽ (27) നെ വടകര ഡിവൈ.എസ്.പി സുദർശ​െൻറ നേതൃത്വത്തിലുള്ള സംഘം അറസ്റ്റ് ചെയ്തു. കൂട്ടാലിടയിലുള്ള ബന്ധുവീട്ടിൽ വെച്ചാണ് നബീലിനെ പിടികൂടിയത്. മേപ്പയൂർ എസ്.ഐ യൂസുഫ് നടുത്തറമ്മൽ ആണ് പ്രതിയെ കസ്റ്റഡിയിലെടുത്തത്. നബീലി​െൻറയും ഭർതൃവീട്ടുകാരുടെയും പീഡനത്തെ തുടർന്നാണ് ഹനാൻ മരിച്ചതെന്ന് ആരോപിച്ച് ബന്ധുക്കൾ പരാതി നൽകിയിരുന്നു. സ്ത്രീപീഡനത്തിനും, അസ്വാഭാവിക മരണത്തിനുമാണ് പൊലീസ് കേസെടുത്തത്. നബീലിനെ വൈദ്യ പരിശോധനക്ക് ശേഷം ബുധനാഴ്ച കോടതിയിൽ ഹാജരാക്കുമെന്ന് ഡിവൈ.എസ്.പി സുദർശൻ പറഞ്ഞു. മരണത്തിൽ ദുരൂഹതയുണ്ടെന്നും കുറ്റവാളികളെ വെളിച്ചത്തു കൊണ്ടുവരാൻ സമഗ്രാന്വേഷണം നടത്തണമെന്നും ആവശ്യപ്പെട്ട് നന്തിബസാറിൽ ആക്ഷൻ കമ്മിറ്റി രൂപവത്കരിച്ചിട്ടുണ്ട്‌.