കൂട്ടിൽനിന്ന് നായ്​യെ കടത്തിക്കൊണ്ടുപോയി കൊന്നു

പേരാമ്പ്ര: വളർത്തുനായ്യെ കൂട്ടിൽനിന്ന് കടത്തിക്കൊണ്ടുപോയി കൊന്ന് കനാലിൽ തള്ളിയതായി പരാതി. മമ്മിളിക്കുളം 'പ്രസാദ'ത്തിൽ പ്രസന്നയുടെ ഡോബർമാൻ ഇനത്തിൽപ്പെട്ട നായ്യെ ആണ് കൂടി​െൻറ പൂട്ട് തകർത്ത് ശനിയാഴ്ച അർധരാത്രി കടത്തിക്കൊണ്ടുപോയത്. ഞായറാഴ്ച രാവിലെയാണ് നായ്യുടെ ജഡം വാല്യക്കോട് കനാലിൽനിന്ന് കണ്ടെത്തിയത്. പ്രസന്നയുടെ പരാതിയെ തുടർന്ന് പേരാമ്പ്ര പൊലീസ് കേസെടുത്ത് അന്വേഷണമാരംഭിച്ചു. പേരാമ്പ്ര വെറ്ററിനറി സർജൻ ജഡം പോസ്റ്റ്മോർട്ടം നടത്തി. സംഭവവുമായി ബന്ധപ്പെട്ട് രണ്ടുപേരെ പൊലീസ് ചോദ്യം ചെയ്തു.