ദേശിയ അധ്യാപക അവാർഡും നേടി പി.കെ. ഷാജി

കൊയിലാണ്ടി: സംസ്ഥാന അധ്യാപക അവാർഡ് ലഭിച്ച് വർഷം പിന്നിട്ടപ്പോൾ ഡോ. പി.കെ. ഷാജിക്ക് ദേശീയ അധ്യാപക അവാർഡും ലഭിച്ചു. ഗവ. ഗേൾസ് ഹയർ സെക്കൻഡറി സ്കൂൾ സാമ്പത്തിക ശാസ്ത്ര അധ്യാപകനാണ് ഇദ്ദേഹം. പാലോറ ഹയർ സെക്കൻഡറി സ്കൂൾ, അമ്പലവയൽ ഹയർ സെക്കൻഡറി സ്കൂൾ, കൊളത്തൂർ ഹയർ സെക്കൻഡറി സ്കൂൾ എന്നിവിടങ്ങളിൽ പ്രവർത്തിച്ച ശേഷമാണ് ഇവിടെയെത്തിയത്. 17 വർഷമായി അധ്യാപനരംഗത്ത് പ്രവർത്തിക്കുന്നു. വിദ്യാഭ്യാസ രംഗത്തും പൊതുരംഗത്തും നടത്തിയ പ്രവർത്തനമാണ് അംഗീകാരം നേടിക്കൊടുത്തത്.