അംശദായം അടക്കാം

കോഴിക്കോട്: പത്രപ്രവർത്തക പെൻഷ​െൻറ അംശദായ കുടിശ്ശിക സെപ്റ്റംബർ എട്ടുവരെ അടക്കാമെന്ന് ഇൻഫർമേഷൻ പബ്ലിക് റിലേഷൻസ് വകുപ്പ് കോഴിക്കോട് മേഖല ഡെപ്യൂട്ടി ഡയറക്ടർ അറിയിച്ചു. പത്രപ്രവർത്തേകതര പെൻഷൻ പദ്ധതിയിൽ പുതുതായി അംഗത്വം ലഭിച്ചവർക്ക് അംശദായം സെപ്റ്റംബർ 11വരെ അടക്കാം. റാങ്ക് ലിസ്റ്റ് പ്രസിദ്ധീകരിച്ചു കോഴിക്കോട്: ജില്ലയിൽ സാങ്കേതിക വിദ്യാഭ്യാസ വകുപ്പിൽ േട്രഡ്സ്മാൻ (പ്ലംബർ) തസ്തികയിലേക്ക് (കാറ്റഗറി നമ്പർ 681/2014) കേരള പബ്ലിക് സർവിസ് കമീഷൻ 2016 ഫെബ്രുവരി 24ന് നടത്തിയ ഒ.എം.ആർ പരീക്ഷയുടെ അടിസ്ഥാനത്തിലുള്ള റാങ്ക് ലിസ്റ്റ് പ്രസിദ്ധീകരിച്ചു. ലിസ്റ്റ് പി.എസ്.സി വെബ്സൈറ്റിൽ ലഭ്യമാണ്. 'ഓണത്തിന് ഒരുമുറം പച്ചക്കറി': 72 വിപണന കേന്ദ്രങ്ങൾ കോഴിക്കോട്: സംസ്ഥാന സർക്കാറി​െൻറ 'ഓണത്തിന് ഒരുമുറം പച്ചക്കറി' പദ്ധതിയുടെ ഭാഗമായി ജില്ലയിലെ വിവിധ കൃഷിഭവനുകൾ കേന്ദ്രീകരിച്ച് നടക്കുന്ന 72 വിപണന കേന്ദ്രങ്ങളിൽ പച്ചക്കറികൾക്കും പഴങ്ങൾക്കും പൊതുവിപണിയെ അപേക്ഷിച്ച് വിലക്കുറവുണ്ട്. പൊതുജനങ്ങൾ ഈ അവസരം പരമാവധി പ്രയോജനപ്പെടുത്തണമെന്ന് പ്രിൻസിപ്പൽ കൃഷി ഓഫിസർ അറിയിച്ചു.