സ്വകാര്യ ബസ്​സമരം: കെ.എസ്​.ആർ.ടി.സി രക്ഷയായി

കുറ്റ്യാടി: കുറ്റ്യാടി-കോഴിക്കോട് റൂട്ടിൽ സ്വകാര്യബസുകൾ പണിമുടക്കിയപ്പേൾ യാത്രക്കാർക്ക് കെ.എസ്.ആർ.ടി.സി രക്ഷയായി. ഈ റൂട്ടിൽ തിങ്കളാഴ്ച തൊട്ടിൽപാലം ഡിപ്പോയിൽ നിന്നുള്ള മുഴുവൻ ബസുകളും സർവിസ് നടത്തി. സാധാരണ ദിവസങ്ങളിൽ പല മുടക്കങ്ങളും കാരണം സർവിസ് നടത്താറില്ലായിരുന്നു. കോഴിക്കോട്ട് ഡിപ്പോയിൽ നിന്ന് പത്തോളം അഡീഷനൽ ബസുകളും സ്വകാര്യബസുകളുടെ സമയത്ത് സർവിസ് നടത്തി. ട്രിപ്പ് സർവിസ് നടത്തുന്ന ടാക്സിജീപ്പുകൾ കുറവായിരുന്നു.