ലഹരിക്കെതിരെ ജനമൈത്രി പൊലീസും വിദ്യാര്‍ഥി കൂട്ടായ്മയും

തണ്ണീര്‍പന്തൽ: കടമേരി ആർ.എ.സി ഹയര്‍സെക്കൻഡറി സ്കൂളിലെ വിവിധ വിദ്യാർഥിക്കൂട്ടായ്മകളും ജനമൈത്രി പൊലീസും ലഹരിവിരുദ്ധ ബോധവത്കരണ പ്രചാരണ കാമ്പയിന്‍ സംഘടിപ്പിച്ചു. സ്കൂള്‍ എസ്.പി.സി യൂനിറ്റ്, എൻ.എസ്.എസ് വളൻറിയര്‍മാര്‍, ഭാരത് സ്കൗട്ട്സ് ആൻഡ് ഗൈഡ്സ് യൂനിറ്റുകള്‍ എന്നിവയുടെ ആഭിമുഖ്യത്തില്‍ വിവിധ പരിപാടികള്‍ നടന്നു. ലഹരിവിരുദ്ധ റാലി നാദാപുരം പൊലീസ് സബ് ഇന്‍സ്പെക്ടര്‍ പ്രജീഷ് ഉദ്ഘാടനം ചെയ്തു. അബ്ദുല്ല പുതിയെടത്ത് ക്ലാസെടുത്തു. സ്റ്റുഡൻറ്സ് പൊലീസ് ഓഫിസര്‍ എന്‍.കെ. നിസാർ, ടി.െഎ. രാജീവന്‍, എന്‍.എസ്.എസ് പ്രോഗ്രാം ഓഫിസര്‍ പി.പി. ഷാഹിദ്, സ്കൗട്ട്സ് എം.കെ. മുഹമ്മദ് അലി, എം. റസിയ എന്നിവർ നേതൃത്വം നല്‍കി.