ഐ.ഐ.എം- 'സംരംഭക ആശയ മേള​': രജിസ്​ട്രേഷൻ നവംബർ മൂന്നുവ​െ​ര

കോഴിക്കോട്: കോഴിക്കോട് ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മ​െൻറ് 'സംരംഭക ആശയ മേള' സംഘടിപ്പിക്കുന്നു. കേരള സ്റ്റാർട്ടപ്പ് മിഷനുമായി (കെ.എസ്.യു.എം) സഹകരിച്ച് ഡിസംബർ ഒന്ന്, രണ്ട്, മൂന്ന് തീയതികളിലായാണ് ഫെസ്റ്റ് നടക്കുന്നത്. 'ലൈവ് ഡിസ്കവറി' എന്നാണ് ഫെസ്റ്റി​െൻറ പേര്. സ്റ്റാർട്ടപ്പുകൾ, സാങ്കേതിക വിദഗ്ധർ എന്നിവരെയാണ് ലൈവ് ഡിസ്കവറി ഉന്നംെവക്കുന്നത്. വ്യവസായത്തിലും സമൂഹത്തിലും പടർന്നിരിക്കുന്ന പ്രശ്നങ്ങളെ വാണിജ്യാടിസ്ഥാനത്തിൽ പരിഹരിക്കാൻ സാധിക്കുന്ന ഉൽപന്നങ്ങളുടെ ആശയങ്ങളാണ് ഇതിലൂടെ പരിപോഷിപ്പിക്കാനുദ്ദേശിക്കുന്നത്. പങ്കെടുക്കുന്നവരിൽനിന്ന് തെരഞ്ഞെടുക്കപ്പെട്ടവർക്ക് സംരംഭക മേഖലയിൽ 30 ദിവസത്തെ പരിശീലനത്തിന് അവസരം ലഭിക്കും. ഈ സമയത്തിനുള്ളിൽ ബിസിനസ് മാതൃകകൾ ഉണ്ടാക്കുകയുംവേണം. ഇതിനുശേഷമായിരിക്കും ഐ.ഐ.എം കോഴിക്കോട് കാമ്പസിൽ നടക്കുന്ന ഫൈനൽ. നാസ്കോം, ടൈ കേരള, യു.എൽ സൈബർ പാർക്ക്, േഗ്രറ്റർ മലബാർ ഇനീഷ്യേറ്റിവ്, കാലിക്കറ്റ് മാനേജ്മ​െൻറ് അസോ., കാലിക്കറ്റ് ഫോറം ഫോർ ഐ.ടി ആൻഡ് ടെക്നോളജി ഇൻകുബേറ്റർ, എൻ.ഐ.ടി എന്നിവർ ലൈവ് ഡിസ്കവറിയിൽ പങ്കാളികളാണ്. പരിപാടിയിൽ പങ്കെടുക്കുന്നതിനുള്ള രജിസ്േട്രഷ​െൻറ അവസാന തീയതി നവംബർ മൂന്നാണ്. കെ.എസ്.യു.എമ്മി​െൻറ ഫേസ്ബുക് പേജ് വഴിയോ, http://ideathon.startupmission.in വഴിയോ രജിസ്േട്രഷൻ നടത്താം.