സ്​കൂൾ വിദ്യാർഥികൾക്ക്​ പഞ്ചായത്ത്​ വിതരണം ചെയ്​ത ഡയറിയിൽ ദേശീയഗാനത്തിൽ ഒരു വരി കുറവ്​

ബാലുശ്ശേരി: സ്കൂൾ വിദ്യാർഥികൾക്ക് പനങ്ങാട് ഗ്രാമപഞ്ചായത്ത് വിതരണം ചെയ്ത 'പഞ്ചായത്ത് വിജ്ഞാനീയം' ഡയറിയിൽ ദേശീയഗാനത്തിൽ ഒരു വരി കുറവ്. 13 വരികളുള്ള ദേശീയഗാനത്തിൽ ഏഴാമത്തെ വരിയായ 'തവശുഭ നാമേ ജാഗേ' എന്ന വരിയാണ് വിട്ടുപോയത്. പഞ്ചായത്തിലെ 12 വിദ്യാലയങ്ങളിലെ വിദ്യാർഥികൾക്ക് വിതരണം ചെയ്ത പഞ്ചായത്ത് വിജ്ഞാനീയം ഡയറിയിൽ ദേശീയഗാനത്തി​െൻറ ഒരു വരി വിട്ടുപോയതിൽ വിദ്യാലയങ്ങളിൽനിന്നുതന്നെ പ്രതിഷേധമുയർന്നിട്ടുണ്ട്. കഴിഞ്ഞ 10ന് പഞ്ചായത്ത് വിജ്ഞാനീയം ഡയറിയുടെ പ്രകാശനം ഗ്രാമപഞ്ചായത്ത് ഒാഡിറ്റോറിയത്തിൽ പുരുഷൻ കടലുണ്ടി എം.എൽ.എയാണ് നിർവഹിച്ചത്.