'സംഘ്​പരിവാർ അജണ്ടക്ക് വിദ്യാഭ്യാസമന്ത്രി കൂട്ടുനിൽക്കുന്നു'

കോഴിക്കോട്: ദീൻദയാൽ ഉപാധ്യായയുടെ ജന്മശതാബ്‌ദി ആഘോഷങ്ങൾ സംസ്ഥാനത്തെ വിദ്യാഭ്യാസ സ്ഥാപനങ്ങളിൽ നടത്തണമെന്ന വിദ്യാഭ്യാസ വകുപ്പി​െൻറ സർക്കുലറിലൂടെ വിദ്യാഭ്യാസമന്ത്രി സി. രവീന്ദ്രനാഥ് സംഘ് അജണ്ടകൾക്ക് കൂട്ടുനിൽക്കുകയാണെന്ന് ഫ്രറ്റേണിറ്റി മൂവ്മ​െൻറ് ജില്ല പ്രസിഡൻറ് നഈം ഗഫൂർ. ജില്ല കമ്മിറ്റി സംഘടിപ്പിച്ച പ്രകടനവും പ്രതിഷേധ സംഗമവും ഉദ്ഘാടനം ചെയ്യുകയായിരുന്നു അദ്ദേഹം. വിദ്യാഭ്യാസ വകുപ്പി​െൻറ വിവാദമായ സർക്കുലർ കത്തിച്ച് പ്രതിഷേധിച്ചു. ജില്ല സെക്രട്ടറി ലബീബ് കായക്കൊടി അധ്യക്ഷത വഹിച്ചു. െഎ.കെ. ബാസില സ്വാഗതവും മുസ്ലിഹ് പെരിങ്ങൊളം നന്ദിയും പറഞ്ഞു. പ്രകടനത്തിന് സുഫാന ഇസ്ഹാഖ്, ഹരികൃഷ്ണൻ, മെഹ്ജബിൻ, മുഹമ്മദ് ഗസ്സാലി, മുജാഹിദ് മേപ്പയൂർ എന്നിവർ നേതൃത്വം നൽകി.