മലയാളിയെ വിസ്​മയിപ്പിച്ച സംവിധായകൻ^ കമൽ

മലയാളിയെ വിസ്മയിപ്പിച്ച സംവിധായകൻ- കമൽ കോഴിക്കോട്: മലയാളത്തി​െൻറ പ്രിയപ്പെട്ട സംവിധായകൻ ഐ.വി. ശശിയുടെ മരണവാർത്ത ഞെട്ടലുളവാക്കുന്നതാണെന്ന് സംവിധായകനും ചലച്ചിത്ര അക്കാദമി ചെയർമാനുമായ കമൽ പറഞ്ഞു. സിനിമയിൽ സംവിധായക​െൻറ സാന്നിധ്യമെന്തെന്ന് മലയാളിയെ ബോധ്യപ്പെടുത്തിയ സംവിധായകനാണദ്ദേഹം. മധ്യവർഗ-വാണിജ്യ സിനിമകളിൽ പുതിയ ഭാവുകത്വം കൊണ്ടുവന്നു. അക്കാലത്തെ താരസമ്പ്രദായങ്ങളെ ഉടച്ചുവാർത്തായിരുന്നു ആ പരീക്ഷണം. ഭാവുകത്വവും ജനപ്രിയതയുംകൊണ്ട് മലയാളിയെ വിസ്മയിപ്പിച്ചു. ജ്യേഷ്ഠസഹോദരനായും ഗുരുസ്ഥാനീയനായുമാണ് അദ്ദേഹത്തെ കാണുന്നത്. ഞാനുൾെപ്പടെ പലരെയും സംവിധായകനാവാൻ േപ്രരിപ്പിച്ച വ്യക്തിയാണ്. പല സംവിധായകരുടെയും ആരാധനാബിംബമായിരുന്നു. അനാരോഗ്യമുള്ള സമയത്തും പുതുതായി ചെയ്യാനിരുന്ന സിനിമയെക്കുറിച്ചായിരുന്നു അദ്ദേഹത്തി​െൻറ ആലോചനയെന്നും കമൽ പറഞ്ഞു.