മീഞ്ചന്ത ആർട്സ്​ കോളജ്​ നവീകരണത്തിന്​ 100 കോടി

കോഴിക്കോട്: മീഞ്ചന്ത ഗവ. ആർട്സ് ആൻഡ് സയൻസ് കോളജ് നവീകരണത്തിന് 100 കോടി രൂപയുടെ മാസ്റ്റർ പ്ലാൻ തയാറാകുന്നു. കിഫ്ബിയിൽ അനുവദിച്ച തുകയിലുൾപ്പെടുത്തിയാണ് നവീകരണ പദ്ധതി തയാറാക്കുന്നത്. കോളജിൽ ഓഡിയോ- വിഷ്വൽ തിയറ്ററും സജ്ജമാക്കും. ജില്ല കലക്ടർ യു.വി. ജോസി​െൻറ അധ്യക്ഷതയിൽ കലക്ടറേറ്റ് ചേംബറിൽ ചേർന്ന കോളജ് വികസനസമിതി യോഗത്തിലാണ് തീരുമാനം. വി.കെ.സി. മമ്മദ് കോയ എം.എൽ.എ, സബ് കലക്ടർ വി. വിഘ്നേശ്വരി, കാദിരിക്കോയ, മീഞ്ചന്ത ഗവ. ആർട്സ് ആൻഡ് സയൻസ് കോളജ് പ്രിൻസിപ്പൽ പി.എ. ശിവരാമകൃഷ്ണൻ, കോളജ് യൂനിയൻ ചെയർമാൻ ടി. അജയ് എന്നിവർ പങ്കെടുത്തു.