പടക്കം പൊട്ടിക്കുന്നതിനെച്ചൊല്ലി സംഘർഷം; നിരവധിപേർക്ക്​ പരിക്ക്

മുസഫർനഗർ: പടക്കം പൊട്ടിക്കുന്നതിനെച്ചൊല്ലിയുണ്ടായ സംഘർഷത്തിൽ ദലിത് സമുദായത്തിൽപെട്ട നിരവധിപേർക്ക് പരിക്ക്. മുസഫർനഗറിലെ ചർത്തവാൾ ടൗണിലാണ് സംഭവം. ഒരു വിഭാഗം ആളുകൾ പടക്കം പൊട്ടിക്കുന്നതിനെ ദലിത് വിഭാഗത്തിൽപെട്ടവർ എതിർത്തതാണ് സംഘർഷത്തിലേക്ക് നയിച്ചതെന്ന് പൊലീസ് പറഞ്ഞു. സംഭവവുമായി ബന്ധപ്പെട്ട് 30 പേർക്കെതിരെ കേസെടുത്തു. രണ്ടു പേർ അറസ്റ്റിലായിട്ടുണ്ട്. പ്രദേശത്ത് സുരക്ഷ ശക്തിപ്പെടുത്തിയതായും പൊലീസ് അറിയിച്ചു. കീർത്തി ഗ്രാമത്തിലും പടക്കം പൊട്ടിക്കുന്നതിനെച്ചൊല്ലി സംഘർഷമുണ്ടായി. ഇവിടെ ആറു പേർക്ക് പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചതായി ഖടോൾ പൊലീസ് അറിയിച്ചു.