മുസ്തഫ റഫീഖ്​ അനുസ്മരണം

വേങ്ങേരി: ഇടതുപക്ഷ -സാമൂഹിക -സാംസ്‌കാരിക രംഗത്ത് സജീവ സാന്നിധ്യമായിരുന്ന മുസ്തഫ റഫീഖി​െൻറ രണ്ടാം ചരമവാർഷികാചരണം വിവിധ പരിപാടികളോടെ ആരംഭിച്ചു. വാർഷികത്തോടനുബന്ധിച്ച് ഫിലിം ഫെസ്റ്റിവൽ, പാലിയേറ്റിവ് വളൻറിയർ പരിശീലനം, അനുസ്മരണ സമ്മേളനം, മുസ്തഫ റഫീഖ് മാനവപക്ഷ പുരസ്‌കാര സമർപ്പണം, നാടകം എന്നിവ നടക്കും. 24ന് സമാപ്പിക്കും. --21-ന് ചെഗുവേരയുടെ യാത്രാ വിവരണ ഡയറിക്കുറിപ്പുകൾ ആധാരമാക്കി രചിച്ച 'ദ മോട്ടോർ സൈക്കിൾ ഡയറീസ്' സിനിമ പ്രദർശിപ്പിക്കും. തുടർന്നുള്ള ദിവസങ്ങളിൽ ഒറ്റാൽ, മിന്നാമിനുങ്ങ്, പേരറിയാത്തവർ എന്നീ സിനിമകളും പ്രദർശിപ്പിക്കും. 22ന് വേങ്ങേരിയിലെ അവയവദാന- സാന്ത്വന പരിപാലന സംഘടനയായ കനിവ് വേങ്ങേരിയുടെ ആഭിമുഖ്യത്തിൽ പാലിയേറ്റിവ് വളൻറിയർമാർക്കുള്ള പരിശീലനക്യാമ്പ് സംഘടിപ്പിക്കും. --24ന് വൈകീട്ട് നടക്കുന്ന അനുസ്മരണ സമ്മേളനം, ജില്ല പഞ്ചായത്ത് പ്രസിഡൻറ് ബാബു പറശ്ശേരി ഉദ്ഘാടനം ചെയ്യും.