ദിശാസൂചക ബോർഡ്​ ക​ുറ്റിക്കാട്ടിൽ തള്ളിയ നിലയിൽ

നന്മണ്ട: മരാമത്ത് വകുപ്പി​െൻറ സൂചകബോർഡ് റോഡോരത്തെ കുറ്റിക്കാട്ടിൽ തള്ളിയ നിലയിൽ. നന്മണ്ട 12ാം മൈൽ വളവിൽ സ്ഥാപിച്ച ദിശാ സൂചക ബോർഡാണ് ഹൈസ്കൂളിനടുത്ത് റോഡരികിൽ തള്ളിയ നിലയിൽ കണ്ടത്തിയത്. യാത്രക്കാരുടെയും വാഹനങ്ങളുടെയും സുരക്ഷ ഉറപ്പാക്കുന്ന ബോർഡാണ് സാമൂഹിക വിരുദ്ധർ നശിപ്പിച്ചത്. നന്മണ്ട കരുണാറാം റോഡ് തകർന്നു; യാത്രേക്ലശം രൂക്ഷം നന്മണ്ട: ഗ്രാമപഞ്ചായത്ത് 12, 13 വാർഡുകളിലൂടെ കടന്നുപോകുന്ന നന്മണ്ട 12 പാറപ്പുറം കരുണാറാം റോഡ് തകർന്നതോടെ യാത്രേക്ലശം രൂക്ഷമായി. ഏതാനും വർഷങ്ങൾക്ക് മുമ്പ് ടാർ ചെയ്ത റോഡാണ് കുണ്ടും കുഴിയും നിറഞ്ഞ് തകർന്നത്. ഏകദേശം അഞ്ച് കിലോ മീറ്റർ ദൈർഘ്യം വരുന്ന റോഡിൽ ഹൈസ്കൂളിന് പിറകുവശം, ഏറാടി കണ്ടിമുക്ക് എന്നിവിടങ്ങളിൽ ഗർത്തങ്ങൾ രൂപംകൊണ്ട് ചളിവെള്ളം കെട്ടിക്കിടക്കുന്ന നിലയിലാണ്. വെള്ളച്ചാലിൽ പട്ടികവർഗ കോളനിയിലുള്ളവർ, ഹൈസ്കൂൾ വിദ്യാർഥികൾ എന്നിവരുടെയെല്ലാം സഞ്ചാര പാതയാണ് ദുർഘട പാതയായി മാറിയത്. കോളനി നിവാസികൾക്ക് അസുഖം വന്നാൽ വാഹനങ്ങൾ ഒാടാൻ മടിക്കുന്ന റോഡിൽ രോഗികളെ കസേരയിൽ ചുമന്നുവേണം നന്മണ്ട 12 ലെത്താൻ. ത്രിതല തെരഞ്ഞെടുപ്പിൽ മൂന്നു മുന്നണികളുടെയും പ്രകടന പത്രികയിൽ റോഡാണ് താരം. തെരഞ്ഞെടുപ്പ് കഴിഞ്ഞാൽ മൂന്നു മുന്നണികളും റോഡി​െൻറ കാര്യത്തിൽ മൗനം ദീക്ഷിക്കുന്നതായി നാട്ടുകാർ പറയുന്നു. ശോച്യാവസ്ഥയിലായ ഇതി​െൻറ അറ്റകുറ്റപണി നടത്തി സുരക്ഷ ഉറപ്പുവരുത്തണമെന്നാണ് നാട്ടുകാരുടെ ആവശ്യം.