ജില്ല റോൾപ്ലേ ടീമിനെ അനുമോദിച്ചു

പൂനൂർ: നാഷനൽ റോൾപ്ലേ മത്സരത്തി​െൻറ ഭാഗമായി ഹൈസ്കൂൾ വിദ്യാർഥികൾക്കായി സംഘടിപ്പിച്ച ജില്ലതല റോൾപ്ലേ മത്സരത്തിൽ താമരശ്ശേരി വിദ്യാഭ്യാസ ജില്ലയെ പ്രതിനിധാനംചെയ്ത് പൂനൂർ ഗവ. ഹയർ സെക്കൻഡറി സ്കൂൾ രണ്ടാം സ്ഥാനം കരസ്ഥമാക്കി. ഫാത്തിമ റന, നുസ്രത്ത് ബീവി, കീർത്തന, ഫാത്തിമ അനാന, ഹാദിലുലു എന്നിവരടങ്ങിയ ടീമാണ് താമരശ്ശേരി വിദ്യാഭ്യാസ ജില്ലക്കു വേണ്ടി രണ്ടാം സ്ഥാനം നേടിയത്. അനുമോദന ചടങ്ങിൽ പ്രധാനാധ്യാപിക ഡെയ്സി സിറിയക്, വി. അബ്ദുൽ ബഷീർ, കെ. മുഹമ്മദ്, എം. മുഹമ്മദ് അഷ്റഫ്, സിറാജുദ്ദീൻ പന്നിക്കോട്ടൂർ, കെ. അബ്ദുസ്സലീം, ടി.പി. മുഹമ്മദ് ബഷീർ, കെ. അബ്ദുൽ ലത്തീഫ്, സെബാസ്റ്റ്യൻ വിവിയൻ, വി. അബ്ദുൽ സലീം, ടി.പി. അജയൻ, എ.പി. ജാഫർ സാദിഖ്, വി.എച്ച്. അബ്ദുൽ സലാം, സി.കെ. റീഷ്ന എന്നിവർ സംസാരിച്ചു.