മധുകുന്ന് മല സംരക്ഷിക്കുക -^സി.പി.എം

മധുകുന്ന് മല സംരക്ഷിക്കുക --സി.പി.എം കക്കട്ടിൽ: ചരിത്രപരമായി ഏറെ പ്രധാന്യമുള്ളതും ജൈവ വൈവിധ്യങ്ങളുടെ കേന്ദ്രവുമായ മധുകുന്ന് മലയെ സംരക്ഷിക്കണമെന്ന് സി.പി.എം കുന്നുമ്മൽ ലോക്കൽ സമ്മേളനം ആവശ്യപ്പെട്ടു. സമ്മേളനം സി.എച്ച്. പൊക്കൻ നഗറിൽ സി.പി.എം ജില്ല കമ്മിറ്റി അംഗം കെ.കെ. ദിനേശൻ ഉദ്ഘാടനം ചെയ്തു. കെ.ടി. രാജൻ അധ്യക്ഷത വഹിച്ചു. സമ്മേളനം അജിത നടേമ്മൽ, കെ.ടി. ചന്ദ്രൻ എന്നിവരടങ്ങുന്ന പ്രസീഡിയം നിയന്ത്രിച്ചു. ജില്ല സെക്രട്ടറി പി. മോഹനൻ, കെ.കെ. ലതിക, കെ. കൃഷ്ണൻ, എ.കെ. കണ്ണൻ, പി. നാണു, ടി.കെ. മോഹൻദാസ്, കുന്നുമ്മൽ കണാരൻ എന്നിവർ സംസാരിച്ചു. പി. കുട്ടിയപ്പ പതാക ഉയർത്തി. രാധിക ചിറയിൽ രക്തസാക്ഷി പ്രമേയവും എം.കെ. സുനീഷ്‌ അനുശോചന പ്രമേയവും അവതരിപ്പിച്ചു. ചൊവ്വാഴ്ച സമ്മേളനം സമാപിക്കും. കെ.കെ. കുഞ്ഞിച്ചാത്തു നഗറിൽ റെഡ് വളൻറിയർ മാർച്ചും ബഹുജനറാലിയും പൊതുസമ്മേളനത്തോടെ സമാപിക്കും.