ബാലുശ്ശേരി ജനമൈത്രി പൊലീസി​െൻറ രക്ഷാകർതൃത്വ പദ്ധതി സംസ്​ഥാന പൊലീസി​െൻറ മാതൃക പദ്ധതിയാക്കാൻ നിർദേശം

ബാലുശ്ശേരി: ബാലുശ്ശേരി ജനമൈത്രി പൊലീസി​െൻറ രക്ഷാകർതൃത്വ പദ്ധതി സംസ്ഥാന പൊലീസി​െൻറ മാതൃക പദ്ധതിയാക്കാൻ ഡി.ജി.പിയുടെ നിർദേശം. മാതാപിതാക്കൾ വഴിപിരിഞ്ഞ് വേറെ ദാമ്പത്യത്തിലേക്ക് വഴിമാറിയപ്പോൾ അനാഥരായിപ്പോയ സഹോദരിമാരായ ആര്യയുടെയും അനുരൂപയുടെയും രക്ഷാകർതൃത്വം ഏറ്റെടുത്ത ബാലുശ്ശേരി ജനമൈത്രി പൊലീസി​െൻറ നടപടി മാതൃകാപരമാണെന്നും സംസ്ഥാന വ്യാപകമായി ഇത്തരം പദ്ധതികൾ ഏറ്റെടുത്ത് നടപ്പാക്കാൻ കമ്യൂണിറ്റി പൊലീസി​െൻറ ചുമതല വഹിക്കുന്ന എ.ഡി.ജി.പി സന്ധ്യക്ക് നിർദേശം നൽകിയിട്ടുണ്ടെന്ന് ഡി.ജി.പി ലോക്നാഥ് ബെഹ്റ ബാലുശ്ശേരി പൊലീസിനെ അറിയിച്ചു. ബാലുശ്ശേരി ജനമൈത്രി പൊലീസി​െൻറ രക്ഷാകർതൃത്വ പദ്ധതിയെ പ്രശംസിച്ച് അയച്ച കത്തി​െൻറ പകർപ്പ് സംസ്ഥാനത്തെ എല്ലാ പൊലീസ് അധികാരികൾക്കും ഡി.ജി.പി നൽകിയിട്ടുണ്ട്. ഒരു പരാതിക്ക് നീതിതേടി ബാലുശ്ശേരി പൊലീസ് സ്റ്റേഷനിൽ എത്തിയപ്പോഴായിരുന്നു ആര്യയുടെയും അനുരൂപയുടെയും ദുരിതകഥ പൊലീസി​െൻറ ശ്രദ്ധയിൽപെട്ടത്. ഇതേതുടർന്നായിരുന്നു സഹോദരിമാരായ ഇരുവരുടെയും പഠനച്ചെലവും ജീവിതസുരക്ഷിതത്വവും ഏറ്റെടുക്കാൻ ജനമൈത്രി പൊലീസ് തീരുമാനിച്ചത്. ജനമൈത്രി പൊലീസി​െൻറ രക്ഷാകർതൃത്വ പദ്ധതിക്ക് സഹകരണ വാഗ്ദാനം ചെയ്ത് സാമൂഹിക സാംസ്കാരിക രംഗത്തെ ഒട്ടനവധി സംഘടനകളും രംഗത്തുവരുകയുണ്ടായി.