മുക്കം ഉപജില്ല സ്കൂൾ പ്രവൃത്തിപരിചയ മേള: ചേന്ദമംഗലൂർ, കൊടിയത്തൂർ ഹയർ സെക്കൻഡറി സ്​കൂളുകൾക്ക് കിരീടം

മുക്കം: മുക്കം ഉപജില്ല സ്കൂൾ പ്രവൃത്തിപരിചയ മേളയിൽ ഹയർ സെക്കൻഡറി വിഭാഗത്തിൽ ചേന്ദമംഗലൂർ ഹയർ സെക്കൻഡറിയും ഹൈസ്കൂൾ വിഭാഗത്തിൽ കൊടിയത്തൂർ പി.ടി.എം.എച്ച്.എസും കിരീടം നേടി. എൽ.പി, യു.പി വിഭാഗത്തിൽ കൊടിയത്തൂർ ജി.എം.യു.പി.എസിനാണ് ഒന്നാം സ്ഥാനം. ഹയർ സെക്കൻഡറി വിഭാഗത്തിൽ 4361 പോയൻറുകൾ നേടിയാണ് ചേന്ദമംഗലൂർ എച്ച്.എസ്.എസ് ഒന്നാമതെത്തിയത്. 426 പോയൻറ് നേടിയ തിരുവമ്പാടി സേക്രഡ് ഹാർട്ട് ഹയർ സെക്കൻഡറിക്കാണ് രണ്ടാം സ്ഥാനം. ഹൈസ്കൂൾ വിഭാഗത്തിൽ 4631 പോയൻറ് നേടിയാണ് പി.ടി.എം.എച്ച്.എസ് ഒന്നാമെതത്തിയത്. 4435 പോയൻറ് നേടിയ തിരുവമ്പാടി സേക്രഡ് ഹാർട്ട് എച്ച്. എസ്.എസിനാണ് രണ്ടാം സ്ഥാനം. എൽ.പി വിഭാഗത്തിൽ 2165 പോയൻറും യു.പി വിഭാഗത്തിൽ 2331 പോയൻറും നേടി കൊടിയത്തൂർ ജി.എം.യു.പി.എസ് പതിമൂന്നാം തവണയും ജേതാക്കളായി. എൽ.പി വിഭാഗത്തിൽ ചേന്ദമംഗലൂർ ജി.എം.യു.പി സ്കൂൾ 2129 പോയേൻറാടെ രണ്ടാം സ്ഥാനം കരസ്ഥമാക്കി. യു.പി വിഭാഗത്തിൽ 2216 പോയൻറ് നേടി തിരുവമ്പാടി ഇൻഫൻറ് ജീസസ് ഇംഗ്ലീഷ് മീഡിയം സ്കൂൾ രണ്ടാം സ്ഥാനം നേടി. മേള എ.ഇ.ഒ ജി.കെ. ഷീല ഉദ്ഘാടനം ചെയ്തു. ഹേമലത അധ്യക്ഷത വഹിച്ചു. പ്രിൻസിപ്പൽ റസിയ സ്വാഗതം പറഞ്ഞു.