ഗെയില്‍: ജനവാസ മേഖലയെ ഒഴിവാക്കണമെന്ന് വെല്‍ഫയര്‍ പാര്‍ട്ടി

എകരൂല്‍: അപകട സാധ്യതകള്‍ ഏറെയുള്ള വാതക പൈപ്പ്ലൈന്‍ ജനവാസമേഖലയിലൂടെ സ്ഥാപിക്കാനുള്ള നീക്കത്തില്‍നിന്ന്‍ സര്‍ക്കാര്‍ പിന്മാറണമെന്ന് വെല്‍ഫയര്‍ പാര്‍ട്ടി ഉണ്ണികുളം പഞ്ചായത്ത്‌ കമ്മിറ്റി യോഗം ആവശ്യപ്പെട്ടു. സുരക്ഷ മാനദണ്ഡങ്ങള്‍ പാലിക്കുന്നതില്‍ വിട്ടുവീഴ്ച ചെയ്യുന്നത് അത്യന്തം ആശങ്കയുണ്ടാക്കുന്നതാണെന്നും ജനങ്ങള്‍ക്ക് ദുരിതമുണ്ടാക്കി പദ്ധതി നടപ്പിലാക്കാനുള്ള നീക്കത്തിനെതിരെ ഒറ്റക്കെട്ടായി രംഗത്തിറങ്ങണമെന്നും യോഗം ആവശ്യപ്പെട്ടു. പദ്ധതിയുടെ ഭാഗമായി ഭൂമി ഇടിച്ചുനിരത്തിയ കാപ്പിയില്‍ പ്രദേശത്ത് നേതാക്കള്‍ സന്ദര്‍ശനം നടത്തി. പ്രസിഡൻറ് കെ.പി. ഹാശിം, എം. നബീല്‍, വാസു മഠത്തില്‍, അഷ്‌റഫ്‌ കുന്നുമ്മൽ, നജ്മുദ്ദീന്‍ എന്നിവര്‍ സംസാരിച്ചു.