നജീബി​െൻറ തിരോധാനം: കേന്ദ്ര സർക്കാർ മൗനം വെടിയണം

കോഴിക്കോട്: ജവഹർലാൽ നെഹ്റു യൂനിവേഴ്സിറ്റി വിദ്യാർഥി നജീബ് അഹ്മദി​െൻറ തിരോധാനം ഒരു വർഷം തികയുന്ന ഈ അവസരത്തിൽ കേന്ദ്ര സർക്കാർ മൗനം വെടിയണമെന്ന് ഫ്രറ്റേണിറ്റി മൂവ്മ​െൻറ് സംസ്ഥാന വൈസ് പ്രസിഡൻറ് ഷംസീർ ഇബ്റാഹീം ആവശ്യപ്പെട്ടു. നജീബി​െൻറ തിരോധാനത്തിന് പിന്നിൽ പ്രവർത്തിച്ച സംഘ്പരിവാർ ഫാഷിസ്റ്റുകളെ നിയമത്തിനു മുന്നിൽ കൊണ്ടുവരണമെന്നാവശ്യപ്പെട്ട് ഫ്രറ്റേണിറ്റി മൂവ്മ​െൻറ് കോഴിക്കോട് ജില്ല കമ്മിറ്റി സംഘടിപ്പിച്ച പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം. ഫ്രറ്റേണിറ്റി മൂവ്മ​െൻറ് കോഴിക്കോട് ജില്ല പ്രസിഡൻറ് നഈം ഗഫൂർ അധ്യക്ഷത വഹിച്ചു. ജനറൽ സെക്രട്ടറി ടി.സി. സജീർ സ്വാഗതവും സെക്രട്ടറി ലബീബ് കായക്കൊടി നന്ദിയും പറഞ്ഞു. സുഫാന ഇസ്ഹാഖ്, മുസ്ലിഹ് പെരിങ്ങൊളം, മുഹമ്മദ് ഗസ്സാലി എന്നിവർ നേതൃത്വം നൽകി.