പട്ടാപ്പകൽ പരസ്യ മദ്യപാനം, യാത്രക്കാർക്കും നാട്ടുകാർക്കും ശല്യം

മുക്കം: മുക്കം ബസ് സ്റ്റാൻഡിന് സമീപം പട്ടാപ്പകൽ നടക്കുന്ന പരസ്യ മദ്യപാനം യാത്രക്കാർക്കും നാട്ടുകാർക്കും ശല്യമാകുന്നു. തിരുവമ്പാടി ബിവറേജിൽ നിന്ന് മദ്യമെത്തിച്ചാണ് ബസ്സ്റ്റാൻഡ് പരിസരത്ത് െവച്ച് കുടിക്കുന്നത്. മദ്യലഹരിയിൽ വാഹനങ്ങൾക്കുകുറുകെ ചാടുന്നതും നിത്യ സംഭവമാണ്. മുക്കം നഗരസഭയുടെ തൊട്ടുപിറകിലാണ് പകൽവേളയിൽ പോലും പരസ്യമദ്യപാനം നടക്കുന്നത്. ഇതിനെതിരെ നടപടി സ്വീകരിക്കണമെന്നാണ് നാട്ടുകാർ ആവശ്യപ്പെടുന്നത്.