ജി.എസ്.ടി കുറക്കണം

ഫറോക്ക്: ജി.എസ്.ടി കുറക്കണമെന്ന് ഫർണിച്ചർ മാനുഫാക്ച്ചേഴ്സ് ആൻഡ് വെൽഫയർ അസോസിയേഷൻ ജില്ല കമ്മിറ്റി ആവശ്യപ്പെട്ടു. നിലവിൽ 28 ശതമാനമാണ് ജി.എസ്.ടി ഇത് 18 ശതമാനമാക്കണമെന്നും യോഗം ആവശ്യപ്പെട്ടു. വിഷയത്തിൽ കേന്ദ്ര,- സംസ്ഥാന സർക്കാറുകൾ അടിയന്തരമായി ഇടെപടണമെന്നും അല്ലാത്തപക്ഷം മൂന്നുദിവസം കടകൾ അടച്ചിടുകയും പാർലമ​െൻറ് മാർച്ചുൾപ്പെടെയുള്ള സമര പരിപാടികളുമായി മുന്നോട്ടുപോവുമെന്നും ഭാരവാഹികൾ പറഞ്ഞു. ജില്ല പ്രസിഡൻറ് എ. വേണുഗോപാലൻ, സെക്രട്ടറി കോഹിനൂർ സലിം, ചന്ദ്രിക ബാബുരാജ്, ഷഹരിയാർ, അബ്ദുൾ റഹൂഫ് താമരശ്ശേരി, സഹീർ കൊയിലാണ്ടി വി.പി. മോഹൻദാസ്, ഫൈസൽ ഫറോക്ക്, അബ്ദുൾ ഹമീദ് ഉള്ള്യേരി തുടങ്ങിയവർ സംസാരിച്ചു.